ناۋرىز ايىندا رەسپۋبليكا دەڭگەيىندە #adaldyqjolymen چەللەندجى باستالدى. بەلسەندى الەۋمەتتىك جەلى قولدانۋشىلارى ادالدىق, پاراساتتىلىق, ادىلدىك تاقىرىپتارىندا ۆيدەوروليكتەر ءتۇسىرىپ, ادامگەرشىلىك قۇندىلىقتارىن الدىڭعى ورىندارعا شىعاردى. رەسپۋبليكالىق ەستافەتانى ماڭعىستاۋ وبلىستىق سىبايلاس جەمقورلىققا قارسى قىزمەت دەپارتامەنتى قولدادى, دەپ حابارلايدى اتالعان دەپارتامەنتتىڭ ءباسپاسوز قىزمەتى.
چەللەندج اياسىندا اقتاۋ قالاسىنىڭ 21مەكتەبىنىڭ وقۋشىسى جانەركە جولداس ءوزىنىڭ «سۇيىسپەنشىلىك جۇرەكتەن» دەپ اتالاتىن اۆتورلىق تۋىندىسىن ارنادى. ولەڭ جولدارىندا رۋح پەن جىگەر, ەڭبەكقورلىق, نۇرلى اقىل , تازا جۇرەك پرينتسيپتەرىن العا تارتقان تۋىندى كوپشىلىكتىڭ كوڭىلىنەن شىقتى. بۇدان بولەك, ەستافەتاعا قالا جانە اۋداندارداعى مەكتەپ وقۋشىلارى مەن ستۋدەنتتەر ءوز ۇلەستەرىن قوسىپ, چەللەندجگە قاتىستى. وبلىستاعى تەلەارنا قىزمەتكەرلەرى, مادەنيەت سالاسىنىڭ ماماندارى مەن ەرىكتىلەر دە #adaldyqjolymen چەللەندجىنەن قالىس قالماي, پاراساتتىلىق پەن ەڭبەكقورلىق, مەيىرىمدىلىك تاقىرىپتارىندا ءوز ويلارىن ورتاعا سالدى.
ءتىپتى, ادالدىق قۇندىلىقتارىن كىشكەنتاي بالاقايلار دا ءتاتتى تىلدەرىمەن ءتۇسىندىردى. «وتىرىك ايتپاۋ, ۇلكەندى قۇرمەتتەۋ, ادامدارعا كومەكتەسۋ كەرەك» دەگەن ولار شاكارىم قۇدايبەردى ۇلىنىڭ «ادامدىق بورىشىڭ» ولەڭىن وقىپ, بارشا ادامزات بالاسىن حالقىنا ادال قىزمەت ەتۋگە شاقىردى.
ماڭعىستاۋ وبلىسى