ەلىمىزدە 16 ناۋرىز بەن 15 ءساۋىر ارالىعىندا ەنگىزىلگەن توتەنشە جاعدايعا وراي حالىق كوپ جينالاتىن فيتنەس-ورتالىقتار, كينوتەاترلار مەن مۋزەيلەر, باسقا دا كوڭىل كوتەرەتىن مادەني ورىندارداعى شارالار ونلاين تۇرىندە وتەتىن بولدى. ابايدىڭ قورىق-مۇراجايى وكىلدەرى رەسپۋبليكادا ءبىرىنشى بولىپ ونلاين-لەكتسيا, 3D ساياحاتتار وتكىزۋدى قولعا الدى. بۇل جايىندا مۋزەيدىڭ رەسمي سايتىندا جاريالاندى دەپ حابارلادى سەمەي اقپاراتتىق ورتالىعى.
ابايتانۋ كابينەتى مەن اقىن مۋزەيىنىڭ اراسىنداعى شىعارماشىلىق بايلانىستى دامىتۋ ماقساتىندا اباي اۋدانىنىڭ مەكتەپ-ليتسەيى بەينەساباق ۇيىمداستىردى. تانىمدىق ساباق اياسىندا مۋزەي ديرەكتورى جاندوس اۋباكىر وقۋشىلارعا حاكىمنىڭ ءومىرى, ادەبي مۇراسى, اقىندىق اينالاسى تۋرالى بايانداپ, بالالاردى مۋزەيدىڭ قۇندى جادىگەرلەرىمەن تانىستىردى. وسىنداي جۇمىستار الداعى ۋاقىتتا دا جالعاساتىن بولادى.
بۇگىنگى كۇنى ونلاين-ەكسكۋرسيالار وتكىزۋ تاجىريبەسى اقش پەن ەۋروپانىڭ ءىرى مۋزەيلەرىندە وتكىزىلەدى. وندا لەكتسيالار ۇيىمداستىرىلىپ, ويىندار, 3D ساياحاتتار ينتەرنەت رەسۋرستارى ارقىلى ۇيىمداستىرىلادى.
سەمەي