«Egemen Qazaqstan» گازەتىنىڭ قىزمەتكەرلەرى كوروناۆيرۋسقا قارسى كۇرەسكە ءبىر كۇندىك جالاقىسىن اۋداردى.
ادامزاتتى الاڭداتىپ وتىرعان داۋاسىز دەرتتى انىقتاپ, ىندەتپەن كۇرەستىڭ العى شەبىندە جۇرگەن دارىگەرلەر قاۋىمىنا قولداۋ كورسەتۋگە شاقىرعان باستاماعا «Egemen Qazaqstan» گازەتى دە قوسىلىپ وتىر. رەداكتسيا ۇجىمى ءبىر كۇندىك ەڭبەكاقىسىن ارنايى قورعا اۋدارىپ, اق حالاتتى ابزال جاندارعا قارجىلاي كومەك كورسەتۋ تۋرالى شەشىم قابىلدادى.
سونداي-اق بۇگىن ەلباسىنىڭ تاپسىرماسى بويىنشا «كەدەرگىسىز كەلەشەك», «باقىتتى وتباسى» جانە «ارداگەرلەردى ارداقتايىق» پارتيالىق جوبالارى اياسىندا كارانتين جاريالانعان نۇر-سۇلتان جانە الماتى قالالارىنداعى جالعىز باستى قارتتارعا, مۇگەدەكتەر مەن تۇرمىسى تومەن كوپبالالى وتباسىلارعا اتاۋلى كومەك كورسەتۋ ءۇشىن 150 ملن تەڭگە باعىتتالدى. سونىمەن قاتار تۇڭعىش پرەزيدەنت كەڭسەسىنىڭ قىزمەتكەرلەرى كوروناۆيرۋسقا قارسى كۇرەسكە ءبىر كۇندىك جالاقىسىن اۋداردى.
وسىعان دەيىن Halyk Bank جانە BI Group كومپانيالارى كوروناۆيرۋسپەن كۇرەسىپ جاتقان مەديتسينالىق قىزمەتكەرلەرگە 100 ملن تەڭگەدەن بولەتىنىن مالىمدەگەن ەدى.