تاماقتىق تۇز ءوندىرۋشى «ارالتۇز» كاسىپورنىنىڭ رەسمي ديستريبيۋتەرى بولىپ تابىلاتىن «سولترەست» جشس رەسەيدىڭ بۇگىنگى تاڭداعى ەڭ ءىرى «ماگنيت» ساۋدا جەلىسىنە ءونىم جەتكىزىپ بەرۋ تۋرالى كەلىسىمگە قول قويدى.
تاماقتىق تۇز ءوندىرۋشى «ارالتۇز» كاسىپورنىنىڭ رەسمي ديستريبيۋتەرى بولىپ تابىلاتىن «سولترەست» جشس رەسەيدىڭ بۇگىنگى تاڭداعى ەڭ ءىرى «ماگنيت» ساۋدا جەلىسىنە ءونىم جەتكىزىپ بەرۋ تۋرالى كەلىسىمگە قول قويدى.
«KAZNEX INVEST» ەكسپورت جانە ينۆەستيتسيالار ۇلتتىق اگەنتتىگى» اق-تىڭ ىقپال ەتۋىمەن قول جەتكىزىلگەن ۋاعدالاستىققا سايكەس 2018 جىلدىڭ سوڭىنا دەيىن كومپانيا كورشى ەل رىنوگىنا 250 ميلليون رەسەي ءرۋبلىنىڭ ءونىمىن جەتكىزەتىن بولادى.
وسىلايشا, «سولترەست» جشس رەسەيلىك ريتەيلەردىڭ باس وفيسىمەن كەلىسىمشارت جاساسقان العاشقى قازاقستاندىق تۇز ءونىمىن جەتكىزۋشى بولىپ وتىر. كومپانيا ءۇشىن بۇل فەدەرالدىق رىنوكتا وزىنە ۇزاق مەرزىمگە ورىن تابۋ جانە بۇتىندەي العاندا, قازاقستاندىق تاۋارلاردىڭ الەۋەتىن كورسەتۋدە ايتارلىقتاي مۇمكىندىك بولىپ تابىلادى.
«ماگنيتپەن» كەلىسىم جاساماس بۇرىن ۇزاق كەلىسسوزدەر جۇرگىزۋگە تۋرا كەلدى, بىراق «KAZNEX INVEST» اق-پەن بىرلەسە وتىرىپ ءبىز وعان قول جەتكىزدىك. ءبىزدىڭ كومپانيا قازاقستاندىق تاۋارلاردىڭ رەسەيلىك رىنوكتا باسەكەگە قابىلەتتى ەكەنىنە جانە ساۋدا ورىندارىندا جەرگىلىكتى ونىمدەردى ىعىستىرىپ شىعارۋ قولىنان كەلەتىنىنە تاعى ءبىر كوز جەتكىزدى. ءبىز بۇل باعىتتاعى جۇمىستارىمىزدى ودان ءارى دە جالعاستىرا بەرمەكپىز. ماسەلەن, تاياۋ ۋاقىتتاردا قازاقستاندىق تۇزدى بىرىككەن اراب امىرلىكتەرى مەن جاپونيا رىنوكتارىنا شىعارماق ويىمىز بار, دەيدى «سولترەست» جشس-نىڭ كوممەرتسيالىق ديرەكتورى قايرات الدابەرگەنوۆ.
«ەگەمەن-اقپارات».