بۇل تۋرالى ساۋدا جانە ينتەگراتسيا ءمينيسترى باقىت سۇلتانوۆ ورتالىق كوممۋنيكاتسيالار قىزمەتىنىڭ الاڭىندا ەلدە ەنگىزىلگەن توتەنشە جاعداي بويىنشا پرەزيدەنت تاپسىرمالارىن جۇزەگە اسىرۋ تاقىرىبىندا ءوتىپ جاتقان ونلاين ءباسپاسوز كونفەرەنتسياسىندا ايتتى.
«توتەنشە جاعداي كەزىندە ۇكىمەت ازىق-ت ۇلىك قاۋىپسىزدىگىن قامتاماسىز ەتۋ بويىنشا بارلىق شارانى قابىلداۋدا. الەۋمەتتىك ماڭىزى بار تاۋارلاردىڭ باعالارى تۇراقتاندىرىلاتىن بولادى. توتەنشە جاعداي رەجيمىندە بارلىق ەل بولىپ ورتاق قاۋىپ-قاتەرگە قارسى بىرىگۋگە ءتيىسپىز. ءبىز تاماق ءونىمىنىڭ باعالارىن كوتەرۋگە, الىپ-ساتارلىققا جول بەرمەۋ ءۇشىن بارلىق كۇش-جىگەرىمىزدى سالاتىن بولامىز جانە ءتيىستى قۇقىقتار مەن ينسترۋمەنتتەر جەتكىلىكتى. قازىرگى ۋاقىتتا ءبىز الەۋمەتتىك ماڭىزى بار ازىق-ت ۇلىك تاۋارلارىنىڭ شەكتى باعالارىن ەنگىزۋ تەتىگىن جەڭىلدەتىپ جاتىرمىز. بۇل اكىمدىكتەرگە باعالاردىڭ اۋىتقۋلارىنا جەدەل دەن قويۋعا مۇمكىندىك بەرەتىن بولادى. جەرگىلىكتى اتقارۋشى ورگاندار شەكتى باعالاردى كوتەرەتىن كاسىپكەرلەرگە ايىپپۇل سالاتىن قۇقىقتارى بار. سوندىقتان وسىنداي شارا قولدانىلاتىن بولادى» دەدى باقىت سۇلتانوۆ.