مەملەكەت باسشىسى قاسىم-جومارت توقاەۆ ستۋدەنتتەردى قاشىقتان وقىتۋعا, مەكتەپ وقۋشىلارىن 16 ناۋرىزدان باستاپ مەرزىمىنەن بۇرىن دەمالىسقا جىبەرۋ تۋرالى حابارلاعان بولاتىن.
سەمەيدە مەكتەپ وقۋشىلارى مەرزىمىنەن بۇرىن دەمالىسقا شىقتى, ال ستۋدەنتتەر قاشىقتان وقىتىلۋعا كوشتى. وسى مەرزىمدە وقۋشىلاردىڭ توقساندىق باعالارى قورىتىندىلاندى. سەمەي قالالىق ءبىلىم ءبولىمى بارلىق باسشىلارمەن كەڭەس وتكىزىپ, ءتۇسىندىرۋ جۇمىستارىن جۇرگىزدى. اتقارىلاتىن جۇمىستار جانە كوروناۆيرۋسقا قاتىستى شارالار تۋرالى ءبىلىم ءبولىمىنىڭ باسشىسى ناتاليا فەسەنكو ايتىپ بەردى:
- ءساۋىردىڭ 5-نەن كەيىن دە بالالار ۇيدە قالاتىن بولسا, ءبىز بايلانىسۋ ءۇشىن ينتەرنەت ارقىلى اقپارات جينايمىز. بالاباقشالار شتاتتىق رەجيمدە جۇمىس ىستەي بەرەدى. زارارسىزداندىرۋ جۇمىستارىن كۇشەيتەمىز. انتيسەپتيك الۋ جايلى تاپسىرما كەلگەن. بىراق ول قالادا جوق. دەگەنمەن, مەكتەپتەر قاجەتتى جابدىقتارمەن قامتاماسىز ەتىلگەن. قاجەتتى مولشەردەن كوبىرەك جۇمسالسا, قوسىمشا الۋ جاعىن قاراستىرامىز. اجەتحانادا سابىن, ورامال بار. ول جاعىنان تاپشىلىق جوق. كوپتەگەن جەكە مەنشىك مەكەمە جۇمىس ىستەۋىن جالعاستىرۋدا. اتا-انالارمەن ءتۇسىندىرۋ جۇمىستارىن جۇرگىزۋدەمىز جانە جۇرگىزە بەرەتىن دە بولامىز, - دەدى ناتاليا فەسەنكو.
سەمەي اقپاراتتىق ورتالىعىنىڭ حابارلاۋىنشا, قوسىمشا ءبىلىم بەرۋ ۇيىرمەلەرى مەن سەكتسيالار دا جۇمىس ۋاقىتتارىن شەكتەدى. ماماندار دەمالىس ۋاقىتىندا اتا-انالارعا بالالاردى قوعامدىق ورىندارعا اپارماۋعا, سونداي-اق, اسا قاجەتتىلىك بولماسا قالا سىرتىنا شىقپاۋعا كەڭەس بەرەدى.
سەمەي