ديماش قۇدايبەرگەن پراگا, گامبۋرگ, ديۋسسەلدورف, شتۋتگارت جانە مينسك قالالارىنداعى كونتسەرتتەرى بولمايتىنىن حابارلادى.
«قۇرمەتتى Dears! «Arnau Tour» الەمدىك تۋرى اياسىنداعى كونتسەرتتەر كەيىنگە قالدىرىلعانىن وكىنىشپەن حابارلايمىن.
كوروناۆيرۋستىق ينفەكتسيانىڭ الدىن الۋعا بايلانىستى پراگا, گامبۋرگ, ديۋسسەلدورف, شتۋتگارت جانە مينسك قالالارىنداعى كونتسەرتتەرىم توقتاتىلىپ, باسقا ۋاقىتقا جوسپارلانۋدا. قابىلداۋشى تاراپتارمەن كەلىسىلىپ, كونتسەرتەردىڭ وتەتىن كۇنى انىقتالعان سوڭ, الدىن الا جاريالانادى.
مەن ءسىزدىڭ ماعان قۇرمەتىڭىز بەن ىقىلاسىڭىزدى جوعارى باعالايمىن جانە ءسىز دە مەن سياقتى كونتسەرتتەردى اسىعا كۇتكەنىڭىزدى بىلەمىن. بىراق ءدال قازىرگىدەي قيىن كەزەڭدە ءبىز ەڭ الدىمەن دەنساۋلىعىمىزدى قاداعالاپ, بارلىق قاجەتتى قاۋىپسىزدىك شارالارىن ساقتاۋىمىز كەرەك.
جاقىن ارادا ءبىز ءسىزدىڭ دەنساۋلىعىڭىز جاقسى, كوڭىل-كۇيلەرىڭىز كەرەمەت بولاتىنىنا سەنىمدىمىز. باسىمىز امان, باۋىرىمىز ءبۇتىن, ءتورت قۇبىلامىز تەڭ بولسىن!» دەپ جازدى ءانشى Instagram پاراقشاسىندا.