دەنساۋلىق ساقتاۋ مينيسترلىگى قازاقستانداعى كوروناۆيرۋس بويىنشا سوڭعى اقپاراتپەن ءبولىستى. ەلىمىزدە ۆيرۋس جۇقتىرعان 6 ناۋقاس تىركەلدى, الماتى قالاسىندا – 4, نۇر-سۇلتان قالاسىندا – 2 ادام. ستاتسيونارلىق كارانتيندە 1 مىڭ 90 ادام, ءۇي كارانتينىندە 452 ادام جاتىر.
سونىمەن قاتار, قحر-دان جانە شەكارالاس مەملەكەتتەردەن كەلگەن ازاماتتارعا مونيتورينگ جالعاسۋدا.
بارلىق ساناتتار بويىنشا مونيتورينگكە 2 مىڭ 272 ادام الىندى, ونىڭ ىشىندە 1ا ساناتى بويىنشا – 1 مىڭ 438, 1ب ساناتى بويىنشا – 475, 2 سانات بويىنشا – 359 ادام. مونيتورينگكە الىنعان 2 مىڭ 272 ادامنىڭ 380-ىنە باقىلاۋ توقتاتىلدى. 14 ناۋرىزداعى جاعداي بويىنشا بارلىعى 1 مىڭ 892 ادامعا مونيتورينگ جۇرگىزۋدە.⠀قازىرگى ۋاقىتتا دەنە قىزۋىمەن جانە جرۆي بەلگىلەرىمەن 116 ادام اۋرۋحاناعا جاتقىزىلدى, ونىڭ ىشىندە 1ب ساناتى بويىنشا – 31 ادام, 2 سانات بويىنشا – 42 ادام, 3 سانات بويىنشا - 43 ادام. اۋرۋحاناعا جاتقىزىلعاندار سانى 116 ادام, 62 ازامات شىعارىلدى. 54 ادام ستاتسيوناردا قالادى.
باس مەملەكەتتىك سانيتارلىق دارىگەردىڭ قاۋلىسىمەن اتالعان پاتسيەنتتەر الگوريتمگە سايكەس ينفەكتسيالىق ستاتسيونارعا جاتقىزىلدى.
ەپيدەمياعا قارسى قاجەتتى شارالار, ونىڭ ىشىندە وقشاۋلاۋ, ەمدەۋ جانە دەزينفەكتسيا جاساۋ جۇمىستارى جۇرگىزىلۋدە.⠀دەنساۋلىق ساقتاۋ مينيسترلىگى جاڭا كوروناۆيرۋستىق ينفەكتسيانىڭ تارالۋىنا جول بەرمەۋ ءۇشىن قاتاڭ الدىن الۋ شارالارىن ساقتاۋعا كەڭەس بەرەدى:
قولدى, بەتتى سابىنمەن ءجيى جانە مۇقيات جۋ;- ادامدار كوپ جينالاتىن جەرلەرگە مۇلدەم بارماۋ;- سىرقات ادامدارعا جاقىنداماۋ;- سۋىق تيۋ بەلگىلەرى پايدا بولعان جاعدايدا ( دەنە قىزۋى جوعارىلاپ, مۇرىن بىتەلسە, جوتەل, تاماقتىڭ اۋىرۋى) تەز ارادا ۇيگە جەدەل جاردەم شاقىرۋ قاجەت.