دەنساۋلىق ساقتاۋ ءمينيسترى ەلجان ءبىرتانوۆ قازاقستاننىڭ ەكى ازاماتىنان كوروناۆيرۋس ينفەكتسياسى تابىلعانىن مالىمدەدى.
ء«ۇش ايدان بەرى ءبىز كوروناۆيرۋسقا قازاقستاندا جول بەرمەۋ بويىنشا كوپ شارانى ىسكە اسىرعان ەدىك. بىراق, وكىنىشكە قاراي, بۇگىن بىرنەشە رەت تەكسەرگەننەن كەيىن قازاقستاننىڭ ەكى ازاماتىنان كوروناۆيرۋس ينفەكتسياسى تابىلدى», - دەدى ەلجان ءبىرتانوۆ وكق-دا وتكەن ءباسپاسوز ءماسليحاتىندا.
ءمينيستردىڭ ايتۋىنشا, الماتىداعى لابوراتوريادا تەكسەرۋدەن وتكەن ولاردا كوروناۆيرۋس ينفەكتسياسى بارى راستالعان. ول ەكى ازامات گەرمانيادان كەلگەن. قازىرگى كۇنى پاتسيەنتتەردىڭ جاعدايى جاقسى. جالپى, ەپيدەمياعا قارسى بۇكىل قاجەتتى شارالار ەنگىزىلىپ جاتىر. وقشاۋلاۋ, كارانتين – قاجەتتى ەمدەۋ پروتسەدۋرالارى قابىلدانۋدا.
باس سانيتارلىق دارىگەردىڭ قاۋلىسىمەن بۇل ازاماتتار كارانتيندىك ستاتسيونارعا جاتقىزىلعان.