بۇگىن ەلوردا اكىمىنىڭ ورىنباسارى التىنبەك قايساعاليەۆ ى.دۇكەن ۇلى مەن ش.ءۋاليحانوۆ كوشەلەرى قيىلىسىندا ورنالاسقان «گارانت» تۇرعىن ءۇي كەشەنىندەگى قۇرىلىس جۇمىستارىمەن تانىستى. بۇل تۋرالى ەلوردا اكىمدىگىنىڭ رەسمي سايتى حابارلادى.
قازىرگى تاڭدا وسى نىساندا ينجەنەرلىك-كوممۋنيكاتسيالىق جەلىلەر تارتىلىپ, ارلەۋ جۇمىستارى قارقىندى جۇرگىزىلۋدە. الداعى ۋاقىتتا كەشەن اۋماعىندا اباتتاندىرۋ جۇمىستارى باستالماق.
− بۇل ءۇيدى وسى جىلى جازدا تاپسىرۋدى جوسپارلاپ وتىرمىز. مۇندا 170-كە جۋىق الدانعان ۇلەسكەرلەر بار. پرەزيدەنتىمىزدىڭ تاپسىرماسىنا سايكەس الداعى 5 جىلدا ءبىز ەلوردالىق ۇلەسكەرلەردىڭ ماسەلەسىن تولىق شەشۋ جوسپاردا بار. قازىر ءبىز وسى باعىتتا ۇكىمەتپەن بىرگە جۇمىس ىستەپ جاتىرمىز,-دەپ اتاپ ءوتتى نۇر-سۇلتان قالاسى اكىمىنىڭ ورىنباسارى.
ايتا كەتۋ كەرەك, اتالمىش تۇرعىن ءۇي كەشەننىڭ قۇرىلىسى 2011 جىلى باستالعان ەدى. 2015 جىلدان باستاپ پروبلەمالىق ۇيلەردىڭ ساناتىندا تۇر.