پارلامەنت سەناتى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا جوعارعى سوتتىڭ سۋديالارىن سايلاۋ ماسەلەسى قارالدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
وتىرىستا جوعارعى سوت كەڭەسىنىڭ ۇسىنىمى نەگىزىندە جوعارعى سوت سۋدياسى لاۋازىمىنا نۇرعازى ابدىكانوۆتى, مارعۇلان بەكتۇرعانوۆتى جانە شولپان دانياروۆانى سايلاۋ تۋرالى قازاقستان رەسپۋبليكاسى پرەزيدەنتىنىڭ ۇسىنىسى قارالدى.
كوميتەت وتىرىسىندا جوعارعى سوتتىڭ سۋدياسى لاۋازىمىنا كانديداتتاردى پالاتا قاراۋىنا ەنگىزۋ تۋرالى شەشىم قابىلداندى.