قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى اقمولا وبلىسىندا رەسەيدەن اتىس قارۋى مەن وق-دارىلەردى جەتكىزۋدى ۇيىمداستىرۋمەن اينالىسقان قىلمىستىق توپتىڭ جولىن كەستى. بۇل تۋرالى ۇلتتىق قاۋىپسىزدىك كوميتەتىنىڭ ءباسپاسوز قىزمەتى حابارلادى.
2020 جىلعى 27 اقپاندا قازاقستان رەسپۋبليكاسىنىڭ ۇقك «ا» ارنايى ماقساتتاعى قىزمەتى مەن پوليتسيا دەپارتامەنتىنىڭ «ارلان» ارنايى بولىمشەسىنىڭ كۇشتەرى مەن قۇرالدارىن تارتا وتىرىپ, وپەراتسيا جۇرگىزۋ بارىسىندا ترانسۇلتتىق قىلمىستىق توپتىڭ قاتىسۋشىلارى ۇستالدى.
كوپكەزەڭدى جەدەل زەرتتەۋ بارىسىندا ۇلتتىق قاۋىپسىزدىك ورگاندارى قارۋ كونترابانداسىن ۇيىمداستىرۋشىلاردان بارلىعى 11 «ماكاروۆ» پيستولەتىن جانە ولارعا 1300-دەن اسا پاترون تاركىلەدى.
سوتقا دەيىنگى تەرگەپ-تەكسەرۋ جۇرگىزىلۋدە. ۇستالعاندار 15 جىلعا دەيىن باس بوستاندىعىنان ايىرىلۋى مۇمكىن.