تۇركىستان قالاسىنىڭ ءتارتىپ ساقشىلارى جوعارى قاباتتان سەكىرىپ كەتپەك بولعان ايەلدى امان الىپ قالدى, دەپ حابارلايدى تۇركىستان وبلىستىق پوليتسيا دەپارتامەنتىنىڭ ءباسپاسوز قىزمەتى.
تۇركىستان قالالىق پوليتسيا باسقارماسىنىڭ كەزەكشى بولىمىنە جەرگىلىكتى تۇرعىن, بەلگىسىز ايەلدىڭ ءوزىن جايسىز سەزىنىپ, ولگىسى كەلەتىنى تۋرالى حابار تۇسكەن. شۇعىل جەتكەن جەدەل-تەرگەۋ توبى بەلگىسىز ايەلدىڭ كوپقاباتتى تۇرعىن-ءۇيدىڭ 5-ءشى قاباتىنداعى بالكوننان سەكىرۋگە وقتالىپ تۇرعانىن بايقايدى.
ۋچاسكەلىك پوليتسيا ينسپەكتورى, مايور بولات ورازبەكوۆ, پوليتسيا لەيتەنانتى قايرات نارمۋحامەدوۆ پەن نۇرعيسا جۇماباي تەز ارادا جوسپار قۇرىپ, ارەكەتكە كىرىستى. پوليتسيا مايورى بولات ورازبەكوۆ ايەلدى سوزگە تارتىپ, قاۋىپسىزدىك شارالارىن جۇزەگە اسىرىپ, ونىڭ سەكىرۋىنە كەدەرگى كەلتىرىپ تۇرسا, پوليتسيا لەيتەنانتارى نۇرعيسا مەن قايرات ق ۇلىپتاۋلى پاتەردىڭ ەسىگىن بۇزىپ كىرىپ, ولگىسى كەلگەن ايەلدى بالكوندا سالبىراپ تۇرعان جەرىنەن قۇتقارىپ قالدى. ينسپەكتورلار ايەلدى قاۋىپسىز جەرگە شىعارىپ, مەديتسينالىق كومەك كورسەتتى.
اتالعان جايت تۇركىستان قر قك-ءنىڭ 105-بابى ء«وزىن-ءوزى ولتىرۋگە دەيىن وقتالۋ» بويىنشا تىركەلىپ, سوتقا دەيىنگى تەرگەۋدىڭ بىرىڭعاي تىزىلىمىنە ەنگىزىلدى. تەكسەرۋ بارىسىندا, ايەل ومىرگە قاپالا ەكەنىن, دەنساۋلىعى بولماي جۇرگەنىن, ازىن-اۋلاق تۇرمىستىق ماسەلەلەردى كوتەرە الماي قالىپ, ءوزىنىڭ نە ىستەگەنىن بايقاماي قالعانىن ايتادى.
پوليتسەيلەر ايەلدىڭ ءومىرىن ساقتاپ قالۋمەن قاتار, دارىگەرلەر مەن پسيحولوگتى شاقىرتىپ, قاجەتتى شارالاردى جۇزەگە اسىردى.