شىمكەنت قالاسى دەنساۋلىق ساقتاۋ باسقارماسىنىڭ باسشىسى اسحان بايدۋۆاليەۆ ءوز ەركىمەن قىزمەتىنەن كەتتى. بۇل تۋرالى ول ءوزىنىڭ Facebook پاراقشاسىندا جازدى.
«قايىرلى كەش, قىمباتتى دوستار! بۇگىن مەن دەنساۋلىق ساقتاۋ باسقارماسىنىڭ باسشىلىق قىزمەتىنەن وتستاۆكاعا كەتتىم. رەسپۋبليكالىق ماڭىزى بار شىمكەنت قالاسىندا از ۋاقىت ىشىندە ۇلكەن تاجىريبە جينادىم, سونىمەن قاتار كوپتەگەن جاڭا دوستار مەن سەرىكتەستەر تاپتىم! مەن قالا اكىمى م.ايتەنوۆ باسقاراتىن اكىمدىككە, بارلىق دەپۋتاتتار كورپۋسىنا, دەنساۋلىق ساقتاۋ باسقارماسىنىڭ ۇجىمىنا, دارىگەرلەرگە, سونداي-اق, شىمكەنت قالاسىنىڭ تۇرعىندارىنا مەيىرىمدىلىك پەن تۇسىنىستىك تانىتقاندارى ءۇشىن العىسىمدى بىلدىرگىم كەلەدى! بارشاڭىزعا مىقتى دەنساۋلىق جانە بارلىق ىستەردە وركەندەۋ تىلەيمىن! ال سۇيىكتى شىمكەنت قالامىز وركەندەپ, دامي بەرسىن» دەپ جازدى اسحان بايدۋۆاليەۆ.