ەكولوگيا سالاسىنداعى سىبايلاس جەمقورلىقتى جويۋ شىعىس ءوڭىرى ءۇشىن وتە ماڭىزدى جانە وزەكتى تاقىرىپ.
3 ناۋرىزدا شقو بويىنشا سىبايلاس جەمقورلىققا قارسى قىزمەت «Antikor Ortalygy» سەرۆيس ورتالىعىنىڭ الاڭىندا وبلىستىڭ ەكولوگيا سالاسىنداعى سىبايلاس جەمقورلىق تاۋەكەلدەرىن سىرتقى تالداۋ ناتيجەلەرىن تالقىلاۋ بويىنشا وتىرىس وتكىزدى.
وتىرىسقا شقو بويىنشا ەكولوگيا دەپارتامەنتىنىڭ وكىلدەرى, وبلىستىق ارنايى مونيتورينگ توبىنىڭ مۇشەلەرى, «شىعىس - ادالدىق الاڭى» جوبالىق كەڭسەسىنىڭ قىزمەتكەرلەرى, وبلىس پروكۋراتۋراسىنىڭ وكىلدەرى جانە باسقا دا مۇددەلى تۇلعالار قاتىستى.
وتىرىس بارىسىندا انىقتالعان ەلەۋلى سىبايلاس جەمقورلىق تاۋەكەلدەرى, رۇقسات بەرۋ فۋنكتسيالارىن تالداۋ وبەكتىسىنىڭ جۇزەگە اسىرۋىن, اكىمشىلىك ءوندىرىستى جۇرگىزۋدى, تالاپ-ارىز جۇمىستارىن جۇرگىزۋدى قوزعايتىن پروبلەمالىق ماسەلەلەر باياندالدى.
سوڭىندا سىبايلاس جەمقورلىققا قارسى ۆەدومستۆو مەن شقو بويىنشا ەكولوگيا دەپارتامەنتىنىڭ وكىلدەرى انىقتالعان سىبايلاس جەمقورلىق تاۋەكەلدەرىن جويۋ بويىنشا ءىس-شارالار جوسپارىن تالقىلادى.