يندۋستريا جانە ينفراقۇرىلىمدىق دامۋ مينيسترلىگى كوروناۆيرۋستىڭ تارالۋىنىڭ الدىن الۋ ماقساتىندا اعىمداعى جىلعى 5 ناۋرىزىنان باستاپ ءازىربايجان مەن يراننان كەلەتىن, ادامدار مەن اۆتوكولىك قۇرالدارىن جۇرگىزۋشىلەرمەن تاسىمالدايتىن تەڭىز كەمەلەرىنە اقتاۋ جانە قۇرىق پورتتارىندا قىزمەت كورسەتۋدىڭ ۋاقىتشا توقتاتىلاتىنىن حابارلايدى. بۇل تۋرالى مينيسترلىكتىڭ ءباسپاسوز قىزمەتى حابارلادى.
شەتەلدىك جۇك كەمەلەرىنىڭ ەكيپاجدارى ءۇشىن اقتاۋ جانە قۇرىق پورتتارىندا كەمەلەردەن شىعۋعا شەكتەۋ قويىلادى.
سانيتارلىق-ەپيدەميولوگيالىق قىزمەتتەر حالىقارالىق تاسىمالداردى جۇزەگە اسىراتىن قازاقستاندىق كەمەلەر ەكيپاجدارىنىڭ مۇشەلەرى پورتتاردا اۋىسقان كەزدە ولارعا باقىلاۋدى كۇشەيتەتىن بولادى.
قابىلداناتىن شارالار تۋرالى اقپارات كاسپي ماڭى مەملەكەتتەرىنىڭ تەڭىز اكىمشىلىكتەرىنە جەتكىزىلەدى.