بۇل تۋرالى ديماش قۇدايبەرگەننىڭ اكەسى ءارى پروديۋسەرى قانات ايتباەۆ Instagram پاراقشاسىندا جاريالادى.
«مەكسيكالىق تىڭدارماندار ديماشقا سالەم جولداپ, ەلدەرىنە شاقىرۋدا. ىقىلاستارىڭىز ءۇشىن كوپ راحمەت, dears!», - دەپ جازدى قانات ايتباەۆ.
مەكسيكالىق جانكۇيەرلەر سۇيىكتى انشىسىنە ارناعان ۆيدەوسىن ەرەكشە ەتىپ تۇسىرگەن. ولار قالاداعى ەڭ ادەمى ورىندى تاڭداپ, ديماشتىڭ سۋرەتى بەينەلەنگەن ارنايى پلاكاتتار, باننەرلەر دايىنداعان. ءسويتىپ, قولىنا قازاقستاننىڭ تۋىن ۇستاپ, ءانشىنى مەكسيكاعا كەلىپ, كونتسەرت وتكىزۋگە انمەن شاقىرادى.
«لاتىن امەريكاسىنداعى تىڭدارماندارىم ماعان جىپ-جىلى ۆيدەو جولداپتى. مەنى قالاي قولدايتىندارىڭىزدى بىلەم. جاقىن ارادا قاۋىشامىز دەگەن ۇمىتتەمىن. شاقىرعاندارىڭىز ءۇشىن كوپ راحمەت. وتە ريزا بولدىم», - دەپ العىس ءبىلدىردى Instagram پاراقشاسىندا ديماش.