ءسىزدىڭ باستاماڭىزبەن اۋدانىمىزدا بىرنەشە مەشىت سالىندى.
جاقىندا نۇر-سۇلتان قالاسىندا قازاقستان مۇسىلماندارى ءدىني باسقارماسىنىڭ توراعاسى ناۋرىزباي قاجى تاعان ۇلى اياگوز قالاسىنان كەلگەن دەلەگاتسيانى قابىلدادى.
كەزدەسۋگە اياگوز اۋداندىق ءماسليحاتىنىڭ حاتشىسى سەيىلبەك ىسقاقوۆ, اۋداندىق ءماسليحات دەپۋتاتى نۇرلانبەك تولەگەن ۇلى, اۋدان يمامى دۋمان ءنادىر ۇلى, قمدب اقپارات جانە قوعاممەن بايلانىس ءبولىمىنىڭ مەڭگەرۋشىسى مارات بەكتازينوۆ, سونىمەن قاتار وڭىردەگى ءبىر توپ جاماعات پەن ءدىن جاناشىرلارى قاتىستى.
دەلەگاتسيانى باستاپ كەلگەن ءماسليحات حاتشىسى سەيىلبەك ىسقاقوۆ باس ءمۇفتيدى جاڭا قىزمەتكە سايلانۋىمەن قۇتتىقتاپ, اۋدان اكىمى دىلدابەك ءتاجىباي ۇلىنىڭ يگى تىلەگىن جەتكىزىپ, قۇتتىقتاۋ حاتىن وقىپ بەردى. ء«سىز اياگوز اۋدانىندا باس يمام بولعان جىلدارى بىرقاتار يگى جوبالاردى جۇزەگە اسىردىڭىز. ءسىزدىڭ باستاماڭىزبەن اۋدانىمىزدا بىرنەشە مەشىت سالىندى. جەرگىلىكتى جۇرتشىلىق بۇل ىزگى ىسىڭىزگە ءالى كۇنگە دەيىن ءدان ريزا. ءسىزدىڭ باس ءمۇفتي بولىپ سايلانۋىڭىز بارشا اياگوز اۋدانىنىڭ تۇرعىندارىن شات-شادىمان كۇيگە بولەدى. اللا ءار ىسىڭىزگە جار بولسىن!» دەدى س.ىسقاقوۆ. اۋدان باسشىلىعى مەن جۇرشىلىعىنىڭ دۇعاي سالەمىن جەتكىزگەن ءماسليحات حاتشىسى باس مۇفتيگە «اياگوز ماقتانىشى» توسبەلگىسىن تابىستادى.
ناۋرىزباي قاجى تاعان ۇلى جەرگىلىكتى باسشىلىق پەن جاماعاتتىڭ رياسىز ريزاشىلىعى مەن ىزگى نيەتىنە العىسىن ءبىلدىرىپ, ەل يگىلىگى جولىندا بىرلەسە قىزمەت ەتۋگە ۇندەدى.
شىعىس قازاقستان وبلىسى,
اياگوز اۋدانى