ەلوردالىق «بارىس» قۇرلىقتىق حوككەي ليگاسىنداعى كەزەكتى ويىنىندا «ادميرال» (رەسەي. ۆلاديۆوستوك) كومانداسىمەن كەزدەستى. «بارىس» قارسىلاسىن 3:1 ەسەبىمەن ۇتتى.
ويىننىڭ العاشقى 5-مينۋتىندا «بارىس» ساپىنان ۆالەري ورەحوۆ ەسەپ اشتى. ارادا ءبىر مينۋت وتپەي جاتىپ, پاۆەل اكولزين ەسەپتى ەسەلەپ كەتتى. ىلە-شالا «بارىس» ويىنشىسى ەگور پەتۋحوۆ ەسەپ ايىرماسىن ۇشكە جەتكىزدى. ال ويىننىڭ 36-مينۋتىندا قارسىلاستار قاتارىنان كونستانتين گلازاچەۆ قانا ەسەپ ايىرماسىن قىسقارتتى. ودان ارتىق «ادميرالدىڭ» «بارىسقا» شاماسى كەلمەدى.
ءبىر ايتا كەتەرلىگى, «بارىستىڭ» باس باپكەرى اندرەي سكابەلكا وسى ماۋسىمداعى سوڭعى ەكى ويىندا قازاقستاندىق جاستاردىڭ الەۋەتىن بايقاپ كورۋگە شەشىم قابىلداعانى انىق بايقالادى. بۇعان بۇگىنگى ويىن دا دالەل بولا الادى. ەڭ باستىسى جاستار ءۇمىتتى اقتادى.