بۇل تۋرالى قالالىق تجد ءباسپاسوز قىزمەتى حابارلادى.
«24 اقپاندا ساعات 8.40-تا جەدەل باسقارما پۋلتىنە كوپقاباتتى ۇيدەگى پاتەرلەردىڭ بىرىنەن 1994 جىلعى جانە 1992 جىلعى ەر ادامداردىڭ دەنەلەرى تابىلعانى حابارلاندى. ءبىر بىرىنە تۋىس بولىپ كەلەتىن ەكەۋى دە شىمكەنتتىڭ № 556/52 اسكەري بولىمىندە قىزمەت ەتكەن. ولار پاتەر جالداپ تۇرعان. قاجەتتى سوت-مەديتسينالىق ساراپتامالار تاعايىندالدى», - دەلىنگەن ۆەدومستۆو حابارلاماسىندا.
تجد مالىمەتىنشە, ءۇيدى جىلىتۋ ماقساتىندا گاز پليتاسى قولدانىلعان. سالدارىنان پاتەردە تابيعي گاز تاراپ كەتكەن. وقيعا ورنىندا تجد ءۇش قىزمەتكەرى مەن پوليتسيا دەپارتامەنتىنىڭ ءتورت قىزمەتكەرى جۇمىس ىستەۋدە.