كۇنى كەشە عانا وزبەكستاننىڭ باس شاھارى – تاشكەنتتە جاسوسپىرىمدەر مەن جاستار اراسىندا وتكەن ازيا بىرىنشىلىگىندە قازاقستان قۇراماسى 14 (9 التىن+2 كۇمىس+3 قولا) جۇلدە الىپ, ءوز جانكۇيەرلەرىن قۋانتتى.
ايتۋلى جارىستىڭ قورىتىندىسى بويىنشا 16 جاستاعى قازاقستاندىق جاس سپورتشى راحات بەكبولات ازيانىڭ ەڭ ۇزدىك اۋىر اتلەتى اتانىپ, وعان ارنايى سىيلىق تابىس ەتىلدى.
راسىندا دا 102 كيلو سالماق دارەجەسىندە ونەر كورسەتكەن سىر بويى سايىپقىرانىنىڭ تابىسىنا تاڭدانباۋ مۇمكىن ەمەس. سارى قۇرلىقتىڭ ەڭ مىقتى دەگەن جاس ورەندەرى باس قوسقان جارىستا ول ءوزى قۇرىپتاس جاسوسپىرىمدەر اراسىندا عانا توپ جارىپ قويماي, جاستار بۋىنى اراسىنداعى دودادا دا دارالاندى. ياعني, وزىنەن ءۇش-ءتورت جاس ۇلكەن سپورتشىلارعا سان سوقتىردى.
ناتيجەسىندە راحات قوسسايىستىڭ قورىتىندىسىندا 356 (158+198) كيلو سالماقتى ەڭسەرىپ, قوس التىن مەدالدى يەلەندى. سونىمەن قاتار, قازاقتىڭ ۇلى جوعارىدا ايتىلعان جاس ەرەكشەلىكتەرى بويىنشا الەمدىك رەكوردتى جاڭارتتى. قۇتتى, بولسىن, راحات!