بۇل كۇندەرى بىرىككەن اراب امىرلىكتەرىنىڭ ء(باا) استاناسى – دۋبايدا ءوتىپ جاتقان جۇلدە قورى 2 908 770 اقش دوللارىن قۇراعان حالىقارالىق تۋرنير سەنساتسيالىق ناتيجەمەن باستالدى.
ەڭ قۋانىشتىسى, سول توسىن ناتيجەنى تىركەگەن ءوزىمىزدىڭ جەرلەسىمىز. كۇنى كەشە قازاقستاندىقتار اراسىنان العاشقى بولىپ «توپ-20» تەننيسشىنىڭ قاتارىنا ەنگەن 20 جاستاعى ەلەنا رىباكينا ءوزىنىڭ تۇساۋكەسەر كەزدەسۋىندە رەسەيدە تۋىپ-ءوسىپ كەيىننەن اقش-قا قونىس اۋدارعان 21 جاستاعى سوفيا كەنينمەن كۇش سىناستى.
بيىل اۋستراليانىڭ اشىق بىرىنشىلىگىندە ايدى اسپانعا شىعارىپ, باس جۇلدەنى ولجالاعان الەمنىڭ جەتىنشى راكەتكاسىنا قارسى باسەكەگە «بەس قارۋىن اسىنىپ» شىققان ەلەنا تاماشا ونەر كورسەتىپ, كوزدەگەن ماقساتىنا قول جەتكىزدى. بۇل تارتىس 2:7, 6:3, 6:3 ەسەبىمەن رىباكينانىڭ پايداسىنا شەشىلدى.
باسەكە اياقتالعان بەتتە باق وكىلدەرىنە بەرگەن سۇحباتىندا قازاقستاندىق تەننيسشى «ويىننىڭ اسا شيەلەنستى بولاتىنىن سەزدىم. سول سەبەپتى دە كورتقا بەلدى بەكەم بۋىپ شىقتىم. ءبىرىنشى سەتتە جەڭىلسەم دە, ءوزىمدى ىشتەي جىگەرلەندىردىم. اسىقپاي ءجۇرىپ انىق باستىم. ەڭ باستىسى, جۇيەم سىر بەرگەن جوق. ال ناتيجەسىن وزدەرىڭىز كورىپ وتىرسىزدار» دەپ اعىنان جارىلدى.
بۇگىن ەكىنشى كەزەڭنىڭ ويىندارى باستالدى. بۇل باسەكەدە ەلەنا رىباكينا چەحيا ويىنشىسى, WTA تىزىمىندە 58 ورىندا تۇرعان كاتەرينا سينياكوۆامەن شەبەرلىك بايقاسادى.