وتكەن جىلى پرەزيدەنت قاسىم-جومارت توقاەۆ «جاستار جىلىنىڭ» جالعاسى رەتىندە «2020 - ۆولونتەرلار جىلى» دەپ جاريالاعان بولاتىن. وسى باعىتتا شىمكەنت قالاسىنا قاراستى ءال-فارابي اۋدانى اكىمى اپپاراتىنىڭ ۇيىمداستىرۋىمەن م.اۋەزوۆ اتىنداعى وقمۋ عيماراتىندا اۋداننىڭ بەلسەندى, ەرىكتى جاستارىنىڭ قاتىسۋىمەن فورۋم ءوتتى.
ەركىن فورماتتاعى كەزدەسۋگە ءال-فارابي اۋدانىنىڭ اكىمى عابيت ماۋلەنقۇلوۆ ارنايى قاتىستى. عابيت پاتشاحان ۇلى ەرىكتىلەردىڭ قاتىسۋىمەن جانە اتسالىسۋىمەن وتەتىن الەۋمەتتىك, مادەني شارالار جانە قالامىزداعى تازالىق اكتسياسى تۋرالى ايتىپ بەردى. سونىمەن قاتار بيىل شىمكەنت قالاسى تمد ەلدەرىنىڭ مادەني استاناسى, اباي قۇنانباي ۇلىنىڭ 175 جىلدىعى جانە ءابۋ ناسىر ءال-ءفارابيدىڭ 1150 جىلدىعى اياسىندا اۋدان كولەمىندە ەرىكتى جاستارمەن بىرلەسە اتقارىلاتىن جۇمىس جوسپارلارى تۋرالى ويىمەن ءبولىستى.
كەزدەسۋ اياسىندا اۋدان اكىمى مەملەكەت باسشىسىنىڭ قولداۋىمەن جاستارعا مەملەكەت تاراپىنان ءاردايىم قولداۋ كورسەتىلىپ كەلەتىندىگىن اتاپ ءوتتى. سونداي-اق جاستار ساياساتىن قولداۋعا باعىتتالعان مەملەكەتتىك باعدارلامالارعا توقتالدى.
جيىنعا قاتىسۋشى جاستار كوكەيلەرىندە جۇرگەن ساۋالدارىن قويىپ, اۋدان باسشىسىمەن ەركىن تۇردە پىكىر الماسىپ, ۇسىنىستارىن جەتكىزدى.
اۋدان باسشىسى جاستاردىڭ ايتقان ۇسىنىستارىن نەگىزگە الا وتىرىپ, مەملەكەت باسشىسىنىڭ العا قويعان ماقساتتارىنا قول جەتكىزۋ ءۇشىن العان بىلىمدەرى مەن كۇش-جىگەرلەرىن تۋعان قالامىزدىڭ ءوسىپ-وركەندەۋى جولىندا جۇمساۋلارىنا تىلەكتەستىگىن ءبىلدىردى.
شىمكەنت