الماتى وبلىسىندا سوڭعى 5 جىل ارالىعىندا 75 مەكتەپ جاڭادان سالىنىپ, پايدالانۋعا بەرىلگەن ەكەن. الايدا, وڭىردە ءالى دە مەكتەپ عيماراتىنىڭ جەتىسپەۋشىلىگى وتكىر كۇيىندە قالىپ وتىر. قازىر 38 مەكتەپتە وقۋشىلار ءۇشاۋىسىمدا ءبىلىم الۋعا ءماجبۇر.
-ءبىز بۇل ماسەلەنى شەشۋگە بارىنشا كۇش سالىپ كەلەمىز. بىراق, ايماقتاعى دەموگرافيالىق ءوسىم مەن ىشكى ميگراتسيانىڭ ەسەبىنەن جىل سايىن مەكتەپ تابالدىرىعىن اتتايتىن بالا سانى قاۋلاپ ءوسىپ جاتىر. مىسالى, 2019-2020 وقۋ جىلىندا 48 مىڭ ءبۇلدىرشىن ءبىرىنشى سىنىپقا بارعان. ياعني, ءبىلىم الۋعا قاجەتتى ورىن سانى بىردەن 20 مىڭعا كوتەرىلدى. نتايجەسىندە, مەكتەپتەر ءۇشاۋسىمدا وقىتۋعا ەرىكسىز كوشتى, دەدى بۇگىن حالىق الدىندا ەسەپ بەرگەن وبلىس اكىمى اماندىق باتالوۆ.
بيىل وڭىردە تاعى 13 مەكتەپ عيماراتىنىڭ قۇرىلىسى اياقتالىپ, قولدانىسقا ەنگىزىلمەكشى. بۇعان 11,2 ميلليارد تەڭگە جۇمسالماق. ونىڭ ىشىندە 8 مەكتەپ وسى ءۇشاۋىسىمدا ءبىلىم بەرۋ ماسەلەسىن شەشۋ ءۇشىن سالىنۋدا. بۇيىرسا, جامبىل, ىلە, قاراساي اۋداندارىنىڭ بىرنەشە اۋىلىندا تۇراتىن وقۋشىلار جاڭا وقۋ جىلىنان باستاپ كەڭ سىنىپتا ءبىلىم الماقشى. سونداي-اق, ەڭبەكشىقازاق اۋدانى مەن قاراساي اۋدانى اۋماعىنان تاعى 6 مەكتەپتىڭ ىرگەتاسى قۇيىلماقشى. وسى ماقساتقا 10,3 ميلليارد تەڭگە قارجى قاراستىرىلىپتى.
جالپى, وبلىستا جەكە ينۆەستورلاردىڭ قاراجاتىنا مەكتەپ سالۋ ءىسى جولعا قويىلىپ وتىر ەكەن. قالتالى ازاماتتار ءبىلىم وشاقتارىن سالۋعا ىنتالى. قازىردىڭ وزىندە مەملەكەت پەن جەكەمەنشىك ارىپتەستىگى ارقاسىندا بوي كوتەرگەن بىرنەشە عيمارات بار. قاراتال اۋدانىندا باستاۋىش مەكتەپ پەن قاراساي اۋدانىنىڭ ايتەي اۋىلىنداعى 1200 ورىنعا ىڭعايلانعان ورتا مەكتەپ سونىڭ دالەلى.
ايتپاقشى, ايماقتاعى ءۇشاۋىسىمدى مەكتەپتەردىڭ جاعدايى جالپى ءبىلىم بەرۋ باعىتىنداعى جالعىز ماسەلە ەمەس. سونىڭ ءبىرى وقۋشىلاردى تاسىمالداۋ جايى. قازىر وبلىس اۋماعىندا 15 700 بالا مەكتەپكە قاتىناپ وقيدى ەكەن. ولار نەگىزىنەن شاعىن ەلدى مەكەندەر مەن ساياجايلار اۋماعىندا تۇراتىن وتباسىلاردىڭ بالالارى. وسى تاسىمالداپ وقىتۋ جايى سىن كوتەرمەيدى. قاتىناۋ كەزىندە بالانىڭ قاۋىپسىزدىگىنە قاتەر تونگەن وقيعالار ءجيى بولىپ تۇرادى. مەكتەپ تاراپىنان بولىنگەن كولىكتەردىڭ تەحنيكالىق جاعدايى تومەن. جۇرگەنىنەن تۇرعانى كوپ اۆتوبۋستاردىڭ كەسىرىنەن بالالار مەكتەپكە جاياۋ نەمەسە كەزدەيسوق كولىكپەن بارۋعا ءماجبۇر.
-بالالاردى تاسىمالداۋ بويىنشا تۋىنداعان ماسەلەگە جانىمىز اۋىرادى. بۇل ماسەلەنى تۇبەگەيلى شەشسەك دەيمىز. بيىل مۇقتاج مەكتەپتەرگە 70 جاڭا اۆتوبۋس ساتىپ الىپ بەرۋدى ۇيعاردىق. قازىر وسى ماقساتقا دەپ 1 ميلليارد تەڭگە بولدىك, ول قارجىعا بارلىق مەكتەپ قاجەتتى كولىكپەن 100 پايىزعا قامتىلادى, دەدى الماتى وبلىسىنىڭ اكىمى اماندىق باتالوۆ.