سالىق زاڭناماسىن ءجيى بۇزاتىن سالالار

وندا تسيفرلاندىرۋعا بايلانىستى كامە­رالدىق باقىلاۋ كەزىندە قازاق­ستان رەسپۋبليكاسىنىڭ سالىق زاڭ­نا­ما­سىنىڭ نورمالارىن قولدانۋدىڭ وزەكتى ماسەلەلەرى, تاۋارلاردى شىعار­عان­نان كەيىن كەدەندىك باقىلاۋ جۇرگى­زۋدىڭ ءتارتىبى مەن ەرەكشەلىكتەرى, سونىمەن قا­تار سالىق تولەۋشىلەردى تولعان­دىرعان تۇيتكىلدى ماسەلەلەر تالقى­لاندى.

كىرىس كوميتەتىنىڭ قاشىق­تىق­­تان جۇرگىزىلەتىن مونيتورينگ باسقار­ماسىنىڭ باسشىسى ءا.سۇلەي­مەنوۆ اتاپ وتكەندەي, اعىمداعى جىلدىڭ باسىندا كامەرالدىق باقىلاۋ جۇيەسىنە بىرقاتار وزگەرىس ەنگىزىلگەن بولاتىن. وندا قارجى ءمينيسترىنىڭ بۇي­رىعىمەن بەكىتىلگەن ەسكەرتپەلەردى ورىنداۋ ءۇشىن 5 كۇن بەلگىلەنگەن. بۇرىنعى كودەكستە ناقتى مەرزىمى كورسەتىلمەگەن بولاتىن. ەندىگى كەزەكتە كاسىپكەرلەر بانكتەگى ەسەپ­شوتىنا تىيىم سالىنباستان بۇرىن قۇقىق بۇزۋشىلىقتاردى جويۋ مۇمكىندىگىنە يە. سونىمەن قاتار وسى بەس كۇن ىشىندە ەسكەرت­پەلەردى جانە تولەنبەگەن سالىق­تاردى وتەۋ مەر­زىمىنە قاتىستى سوتقا شاعىمدانا الادى. سالىق تولەۋشىنىڭ ءوتىنىشى قاراستىرىلعان مەرزىمدە ەسەپشوتتارى جابىلمايدى ءارى سالىقتىق تەكسەرۋلەر دە جۇرگىزىلمەيدى. قازىرگى كەزدە كامەرالدىق باقىلاۋ بويىن­شا ەسكەرتۋلەرگە بايلانىستى تۇ­سىن­بەۋشىلىكتەر ورىن الماس ءۇشىن ارنايى كوميسسيا قۇرىلعان. سونىمەن قاتار ءا.سۇلەيمەنوۆ سالىق زاڭناماسىن كوپ بۇزاتىندار قاتارىندا ساۋدا جانە قۇرىلىس سالاسىنداعى قۇقىق بۇزۋ­شى­لىقتى ساراپتاي كەلە, سالىق تو­لەۋشىلەرگە جاسالعان ەسكەرتۋ­لەردىڭ 86 مىڭى, ياعني 31 پايىزىن ساۋ­دا سالاسى قۇرايتىنىن, ال 43 مىڭ, ياعني 16 پايىز ەسكەرتۋدىڭ قۇرىلىس كومپانيالارىنا تيەسىلى ەكەنىن اتاپ ءوتتى. ءا.سۇلەيمەنوۆتىڭ ايتۋىنشا, بيزنەس سالاسىنا جاريالانعان ءۇش جىلعى موراتوري كەزىندە سالىقتىق اكىمشىلىكتى قاشىقتىقتان جۇرگىزۋدە كامەرالدىق باقىلاۋ جۇيەلەرى تيىمدىلىگىن كورسەتىپ وتىر. كامەرالدىق باقى­لاۋدى پايدالانۋ  فيسكالدى چەك­تى ونلاين رەجىمدە بەرۋ, ەاەو ايماعىنداعى ەكسپورت, ەلەك­تروندى ەسەپ قۇجاتتارىن بەرۋ, ت.ب. اقپاراتتار اينالىمىن با­قىلاۋعا مۇمكىندىك بەرەدى. سونىڭ ناتيجەسىندە 2017 جىلمەن سا­لىستىرعاندا 2019 جىلى ءۇش ەسە,  2018 جىلى بەس ەسە كوپ مولشەردە  سالىقتىق قۇقىق بۇزۋ دەرەكتەرى انىقتالعان. قارجى مينيسترلىگىنىڭ مالىمەتتەرى بويىن­شا, الداعى ءۇش جىلدا سالىق جانە كەدەندىك, سالىقتىق اكىم­شىلەندىرۋ اياسىنداعى تسيفرلاندىرۋ بارىسىندا سالىقتىق تەكسەرۋلەر 9 پايىزعا قىسقارىپ, بيۋدجەت كىرىستەرى 20 پايىزعا ارتقان. ناتيجەسىندە وتكەن جىلى بيۋدجەتكە تۇسكەن سالىم مولشەرى 189 ملرد تەڭ­گەنى قۇراپ وتىر. بۇل كورسەتكىش 2019-2021 جىلداردا 1,9 ترلن تەڭگەنى قۇراي­تىن بولادى.

كونفەرەنتسيادا كامەرالدىق باقى­لاۋ ناتيجەلەرىنە شاعىم­دانۋ­دىڭ كەيبىر ماسەلەلەرىنە توقتالعان جوعار­عى سوتتىڭ مامان­دان­دىرىلعان سوت القاسىنىڭ سۋدياسى گ.الماعامبەتوۆا داۋلى ەسكەرتپەلەردى قاراستىرۋ ماسە­لەلەرىن قوزعادى. قازىرگى كەزدە جوعا­رى سوتتا سالىق كودەكسىنىڭ جەكە­لە­گەن ەرەجەلەرىن دۇرىس ءتۇسىنىپ, تالقى­لاۋدىڭ تاجىريبەدە جۇزەگە اسۋىنا بايلانىستى سوت اكتى­لەرى قابىلدانعان. ال سالىق تو­لەۋ­شىلەردىڭ تالاپتارى ازامات­تىق ءوندىرىس ءتارتىبى نەگىزىندە قارا­لادى.

كونفەرەنتسيا بارىسىندا سو­نىمەن قاتار سالا ماماندارى كامەرالدىق باقىلاۋدىڭ تيىمدى­لىگىن ارتتىرۋ, كەدەن زاڭناماسى مەن كەدەندىك داۋلارداعى سوت تاجى­ريبەسى, كەدەندىك قۇندى باقىلاۋ, كەدەندىك اكەلۋ باجدارىنىڭ ستاۆ­كالارىن دەكلاراتسيالاۋ مەن قول­دانۋ, تاعى دا باسقا داۋلى ماسە­لە­لەردى شەشۋ جولدارىن تالقى­لادى.