تابانتال اۋىلدىق وكرۋگىنىڭ اكىمدىگىنە ءۇش كانديدات سايلاۋعا ءتۇستى. مەن وسى اۋىلدىق وكرۋگتىڭ بيلىك تىزگىنىن سوڭعى جىلدارى ۇستاعان شولپانگۇل قاليەۆانىڭ سەنىمدى وكىلى بولۋعا كەلىسىپ, دودادا جەڭىپ شىعۋىنا تىلەكتەس بولدىم. ۇمىتكەرلەردىڭ بارلىعى ەلدىڭ جايىن بىلەتىن, حالىقپەن ورتاق ءتىل تابىسىپ جۇمىس ىستەي الاتىن ازاماتتار بولعاندىقتان, ىشتەي الدە قايتەدى دەگەن ويدىڭ دا قىلاڭ بەرگەنىن جاسىرۋعا بولماس. سوندىقتان دا سايلاۋ وتەتىن حرومتاۋ قالاسىنداعى №6 مەكتەپ-گيمنازياعا ۋاقتىلى كەلدىم. اۋىلدىق ورۋگتەر جانە نيكەلتاۋ سەلوسى مەن حرومتاۋ قالاسى اكىمدەرىن سايلاۋعا اۋداندىق ءماسليحاتتىڭ 13 دەپۋتاتى تۇگەل قاتىستى. الدىن الا سايلاۋدى وتكىزۋ تارتىبىمەن تانىسقاندىقتان بولار, اكىمدەردى سايلاۋ بارىسىندا ەشقانداي اعاتتىقتارعا جول بەرىلگەن جوق. سايلاۋ بيۋللەتەندەرىن الۋ, تولتىرۋ جانە ۋرناعا سالۋدا جيناقىلىق بايقالدى. بيۋللەتەندەردى ەسەپتەۋ جانە پايدالانىلماعاندارىن ەسەپتەن شىعارۋدا دا اشىقتىق ءپرينتسيپى ساقتالدى.
تابانتال اۋىلدىق وكرۋگىنىڭ اكىمدىگىنە ءۇش كانديدات سايلاۋعا ءتۇستى. مەن وسى اۋىلدىق وكرۋگتىڭ بيلىك تىزگىنىن سوڭعى جىلدارى ۇستاعان شولپانگۇل قاليەۆانىڭ سەنىمدى وكىلى بولۋعا كەلىسىپ, دودادا جەڭىپ شىعۋىنا تىلەكتەس بولدىم. ۇمىتكەرلەردىڭ بارلىعى ەلدىڭ جايىن بىلەتىن, حالىقپەن ورتاق ءتىل تابىسىپ جۇمىس ىستەي الاتىن ازاماتتار بولعاندىقتان, ىشتەي الدە قايتەدى دەگەن ويدىڭ دا قىلاڭ بەرگەنىن جاسىرۋعا بولماس. سوندىقتان دا سايلاۋ وتەتىن حرومتاۋ قالاسىنداعى №6 مەكتەپ-گيمنازياعا ۋاقتىلى كەلدىم. اۋىلدىق ورۋگتەر جانە نيكەلتاۋ سەلوسى مەن حرومتاۋ قالاسى اكىمدەرىن سايلاۋعا اۋداندىق ءماسليحاتتىڭ 13 دەپۋتاتى تۇگەل قاتىستى. الدىن الا سايلاۋدى وتكىزۋ تارتىبىمەن تانىسقاندىقتان بولار, اكىمدەردى سايلاۋ بارىسىندا ەشقانداي اعاتتىقتارعا جول بەرىلگەن جوق. سايلاۋ بيۋللەتەندەرىن الۋ, تولتىرۋ جانە ۋرناعا سالۋدا جيناقىلىق بايقالدى. بيۋللەتەندەردى ەسەپتەۋ جانە پايدالانىلماعاندارىن ەسەپتەن شىعارۋدا دا اشىقتىق ءپرينتسيپى ساقتالدى.
سايلاۋ قورىتىندىسى بويىنشا شولپانگۇل قاليەۆا اۋىلدىق وكرۋگ اكىمدىگىنە وتكەندە قۋانعانىمدى جاسىرا الماي قالدىم. ونىڭ دا رەتى بار. شولپانگۇل اكىم بولعالى اۋىلدا بىرقاتار يگىلىكتى ىستەردىڭ اتقارىلۋىنا ۇيىتقى بولدى. وكرۋگتەگى ءتورت ەلدى مەكەندە 746 ادام تۇرادى, 744 مىڭ تەڭگەگە اۋىل كوشەلەرىن جارىقتاندىرۋ جۇرگىزىلدى. بالاباقشا جۇمىس ىستەيدى. اۋىلدىقتار كوگىلدىر وتىننىڭ يگىلىگىن كورىپ وتىر. كوشەلەرگە سۋ قۇبىرى تارتىلدى, ەندى ۇيلەرگە كىرگىزۋ عانا قالىپ تۇر. قازىردىڭ وزىندە اۋىل تۇرعىندارى 15 قاۋىمداستىققا بىرىگىپ, وزەكتى ماسەلەلەردى ورتاق ويلاسىپ شەشۋگە مۇرىندىق بولۋدا.
تابانتالدىقتاردى قينايتىن ماسەلە اۋىل مەن اقتوبەگە باراتىن كۇرەجولعا دەيىنگى 35 شاقىرىمنىڭ ويقى-شويقىلىعى. قايتادان سايلانعان اكىم بولاشاقتا بۇل اراعا قاتتى جامىلعى توسەۋگە قوزعاۋ سالماقشى. سايلاۋ اشىق تا ءادىل ءوتتى. ەشقانداي رەنىش بولعان جوق. تاڭداۋشىلار شىن مانىندە حالىقتىڭ كوڭىلىندەگى ۇمىتكەرلەرگە داۋىس بەردى. ارينە, سايلاۋدا سەنىم ارتىلعان اكىمدەرگە جۇكتەلەر جاۋاپكەرشىلىك تە جوعارى, امانات ۇلكەن. اۋىل اكىمدەرىن وسىلاي سايلاۋ دەموكراتيانىڭ ايقىن كورىنىسى بولدى. ەندى جاڭادان سايلانعان اكىمدەر ەلدىڭ, جەردىڭ قوجاسى رەتىندە حالىقتىڭ مۇڭ-مۇقتاجىنا بۇرىنعىدان دا جاقىنىراق كەلىپ, يگىلىكتى ءىس تىندىرۋعا تالپىنۋلارى كەرەك.
سەنىم دەگەن بارىنەن دە قىمبات. ال سەنىم ۇدەسىنەن شىعۋعا ىزدەنىسپەن جۇمىس ىستەۋ, ۇيىمداستىرۋشىلىق قابىلەت پەن حالىقتىڭ قامىن ويلايتىنداي قاسيەت كەرەك. مىنە, جاڭادان سايلانعان اكىمدەردەن حالىقتىڭ كۇتەتىنى وسىنداي ءىس-قيمىل. دەموكراتيالىق دامۋىمىزعا ارنا تارتقان بۇل ساياسي ناۋقان ەلىمىزدىڭ جارقىن بولاشاققا باعىتتالعان قادامىن نىعايتا تۇسەتىنى ءسوزسىز.
ۇلداي قۇمارعاليەۆا.
اقتوبە وبلىسى,
حرومتاۋ اۋدانى.