بۇگىن قازاقستاننىڭ ءبىرىنشى راكەتكاسى ەلەنا رىباكينا جاڭارتىلعان WTA رەيتينگىندە 2141 ۇپاي جيناپ, 25-تەن 19-ورىنعا كوتەرىلدى. وسىلايشا, ەلەنا ۇزدىك 20-لىققا كىرگەن تۇڭعىش قازاق تەننيسشىسى اتاندى. بۇعان دەيىن ەڭ جوعارى كورسەتكىشتى 2012 جىلى 29 قازاندا ياروسلاۆا شۆەدوۆا (25-ورىن) تىركەگەن ەدى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.
20 جاستاعى قازاق تەننيسشىسى پەتەربۋرگتە ءوتىپ جاتقان WTA ءتۋرنيرىنىڭ فينالىندا ۇتىلىپ قالدى. جالپى ەلەنا بيىلعى ماۋسىمدا WTA اياسىندا 3 باسەكەگە قاتىسىپ, بارلىعىندا فينالعا جەتكەن. رەيتينگتە يۋليا پۋتينتسەۆا 32-ساتىعا جوعارىلاسا, زارينا دياس 63-ورىندا.
ايەلدەر اراسىندا كوش باسىندا اۋستراليالىق ەشلي بارتي, ەكىنشى رۋمىنيالىق سيمونا حالەپ, ءۇشىنشى چەحيالىق كارولينا پليشكوۆا تۇر.
ال ەرلەر اراسىندا قازاقستاننىڭ ءبىرىنشى راكەتكاسى الەكساندر بۋبليك ءبىر ساتى جوعارىلاپ 55-ورىنعا كوتەرىلسە, ميحايل كۋكۋشكين ەكى ساتى تومەندەپ, 69-شى, دميتري پوپكو 168-ورىنعا جايعاستى.
سەربيالىق نوۆاك دجوكوۆيچ ءبىرىنشى, يسپانيالىق رافاەل نادال ەكىنشى, شۆەيتساريالىق رودجەر فەدەرەر ءۇشىنشى ورىندا كەلە جاتىر.