14 اقپان, جۇما كۇنى اقتوبە قالاسىنداعى «اناعا تاعزىم» ورتالىعىنان «انالار اماناتى» اتتى تۇراقتى كورمە ساتۋ الاڭى اشىلدى.
جاڭا جوبانىڭ اشىلۋىنا وبلىس اكىمى وڭداسىن ورازالين قاتىسىپ, قىز-كەلىنشەكتەردىڭ الداعى جۇمىسىنا ساتتىلىك تىلەدى.
ء«بىز ۇلتتىق قول ونەرىمىزدى دارىپتەۋ ارقىلى, وڭىردەگى قىز-كەلىنشەكتەردىڭ جۇمىسپەن قامتىلۋىنا, كاسىپ اشۋىنا ىقپال ەتتىك. ءبىز ءوز تاراپىمىزدان بارىنشا قولداۋ كورسەتەمىز, الداعى ۋاقىتتا ادەمى دۇنيەلەردى جاساۋ وزدەرىڭىزدىڭ ەنشىلەرىڭىزدە بولىپ قالا بەرمەك»,-دەدى ايماق باسشىسى. تۇراقتى كورمە ساتۋ الاڭىندا جوبانىڭ ۇيىمداستىرۋشىسى ىرزا تۇرسىنزادانىڭ اقتوبە وڭىرىندەگى 450-جۋىق شاكىرتىنىڭ ەرەكشە قولونەر بۇيىمدارى كوپشىككە ۇسىنىلادى. «انالار اماناتى» ەلىمىز بويىنشا اتىراۋ جانە اقتوبەدە اشىلىپ وتىر. بولاشاقتا نۇر-سۇلتان, شىمكەنت قالالارىندا اشىلۋ جوسپاردا. جوبا جەتەكشىسى ىرزا تۇرسىنزادا «انالار اماناتى» تۇراقتى كورمە ساتۋ الاڭىنىڭ اشىلۋىنا قولداۋ كورسەتكەنى ءۇشىن وبلىس باسشىسىنا العىسىن ءبىلدىردى.