2021 جىلى SCIJ جۋرناليست-شاڭعىشىلار (Ski Club International des Journalistes) كلۋبىنىڭ 68-وتىرىسى الماتىداعى شىمبۇلاق تاۋ-شاڭعى كۋرورتىندا وتەدى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.
بۇل تۋرالى سوچيدەگى «روزا حۋتور» كۋرورتىندا وتكەن كلۋبتىڭ 67-ءشى وتىرىسىندا بەلگىلى بولدى. باسقوسۋعا قاتىسقان ۇيىم مۇشەلەرىنىڭ داۋىس بەرۋ قورىتىندىسى بويىنشا سلوۆەنيادان باسىپ وزدى.
«بۇل ەلىمىزدى الەم حالقىنا تانىستىرۋ جولىنداعى جاقسى مۇمكىندىك بولعالى تۇر. سەبەبى, SCIJ كلۋبىنىڭ 65 جىلدىق تاريحى بار. سونىمەن قوسا 2 000 مىڭعا جۋىق تانىمال جۋرناليست قازاقستاننىڭ سۇلۋلىعىن ءوز كوزىمەن كورىپ, ءبىز تۋرالى العان اسەرلەرىمەن بولىسەدى», دەدى Kazakh Tourism ۇلتتىق كومپانياسى اق باسقارما توراعاسى ەرجان ەركىنباەۆ.
SCIJ جۋرناليست-شاڭعىشىلار كلۋبى 1955 جىلى فرانتسيانىڭ مەريبەل تاۋ-شاڭعى بازاسىندا قۇرىلعان. سول جىلدان بەرى ءداستۇرلى جيىن ەۋروپا, سولتۇستىك جانە وڭتۇستىك امەريكانىڭ 70-كە جۋىق شاڭعى بازاسىندا وتكەن. قازىر قۇرامىنا 32 ەلدىڭ 2000-عا جۋىق باق وكىلى كىرەدى. قازاقستان اتالعان كلۋبقا 2012 جىلى قوسىلىپ, وسى ۋاقىتا دەيىن ۇيىم جۇمىسىنا بەلسەندى اتسالىسىپ كەلەدى.
ايتا كەتەيىك, جىل سايىن وتكىزىلەتىن بۇل ءىس-شارا تاۋ شىڭعىسى مەن شاڭعىمەن جارىسۋدان جۋرناليستەر اراسىنداعى بەيرەسمي الەم چەمپيوناتى سانالادى.