بۇگىن ەكولوگيا مينيسترلىگى, بىرىككەن ۇلتتار ۇيىمىنىڭ قازاقستانداعى دامۋ باعدارلاماسى (بۇۇدب) جانە Bitfury Group كومپانياسى ەلىمىزدە كليماتتى قورعاۋ بويىنشا جوبانى ىسكە اسىرۋدىڭ بىرلەسكەن جوسپارى جونىندە جاريالادى.
بۇگىنگى تاڭدا ورماندار الاڭىن ۇلعايتۋ ارقىلى پارنيكتىك گازدار شىعارىندىلارىن ازايتۋ بويىنشا بىرلەسكەن جوبا ازىرلەنۋدە.
ساراپشىلاردىڭ باعالاۋى بويىنشا قازاقستانداعى ورمان كومىرتەگىنىڭ جالپى كولەمى 718,3 ملن.توننادان استام سو2 بالاماسىنا باعالانادى. ورمان جامىلعىسىنىڭ 4,6%-دان 5%-عا دەيىن ارتۋى كومىرتەكتى ورماندارمەن ءسىڭىرۋدى جىلىنا قوسىمشا CO2 بالاماسىندا 2,9 ملن.تونناعا دەيىن ارتتىرۋعا كومەكتەسەدى. كومىرتەگى ءۇشىن ولاردىڭ مانىمەن قاتار, ساۋ ورماندار سۋ رەسۋرستارىن رەتتەۋدى, بيوارتۇرلىلىكتى, سونداي-اق ءدارى-دارمەكتەر مەن ەكوتۋريزم سياقتى ازىق-ت ۇلىك پەن باسقا دا پايدانى قوسا العاندا نەگىزگى قىزمەتتەر كورسەتەدى.
ايتا كەتۋ كەرەك, قازاقستان 2016 جىلى كليماتتىڭ وزگەرۋى جونىندەگى پاريج كەلىسىمىن راتيفيكاتسيالاپ, جەكە سەكتوردىڭ قاتىسۋىمەن يننوۆاتسيالىق شەشىمدەردى جۇمىلدىرۋ ارقىلى 2030 جىلعا قاراي پارنيكتىك گازدار شىعارىندىلارىن 15%-عا قىسقارتۋعا مىندەتتەلدى.
«بۇگىندە قازاقستانداعى اۋانىڭ نەگىزگى لاستاۋشىلارى كولىك جانە ەنەرگەتيكا سالالارى بولىپ تابىلادى. جىل سايىن ەكوجۇيەگە تۇسەتىن جۇكتەمە وسۋدە, تابيعي كومىرتەكتى سىڭىرگىشسىز, ياعني ورماندارسىز, پارنيكتىك گازداردىڭ شوعىرلانۋى تەك وسە تۇسەدى دە, پاريج كەلىسىمىنىڭ ماقساتتارىنا جەتۋ مۇمكىن بولمايدى», دەدى ەكولوگيا ءمينيسترى م.مىرزاعاليەۆ.
«مۇنداي جاعدايدا مەملەكەتتىڭ كۇش-جىگەرىنەن بولەك, جەكە سەكتوردىڭ قولداۋى مەن ەكولوگيالىق جاۋاپكەرشىلىگى وتە ماڭىزدى. سوندىقتان ءبىز Bitfury-ءدىڭ كليماتتى قورعاۋ سالاسىنداعى باستاماسىن قولدايمىز», - دەپ اتاپ ءوتتى ول.
Bitfury – كليماتتىڭ وزگەرۋ ماسەلەلەرىن جانە الەمدەگى باسقا دا ەكولوگيالىق ماسەلەلەردى شەشۋمەن اينالىساتىن جاڭا تەحنولوگيالار سالاسىنداعى جەتەكشى كومپانيا.
ء«بىز عالامشارىمىزدى قورعاۋ ءۇشىن ورنىقتى دامۋ ماقساتتارىن تولىق قولدايمىز جانە قازاقستاننىڭ پارنيكتىك گازداردىڭ شىعارىندىلارىن بەيتاراپتاندىرۋ ءۇشىن وتەماقى تەتىكتەرىن قۇرۋ جونىندەگى ۇلتتىق باستاماشىلىعىمەن شابىتتاندىق», دەدى قازاقستانداعى Bitfury عالامدىق كەڭسەسى اكىمشىلىگىنىڭ باسشىسى ۆاديم كرۋتوۆ.
«مەن قازاقستان ورماندارىن قولداۋ جانە پارنيكتىك گازدار شىعارىندىلارىن ازايتۋ جونىندەگى بىرلەسكەن كۇش-جىگەرىمىزدى اسىعا كۇتەمىن», دەپ اتاپ ءوتتى ول.
بۇۇدب جاڭا ەكولوگيالىق كودەكستىڭ جوباسى ءۇشىن بىرنەشە زاڭنامالىق ۇسىنىستار ازىرلەدى. بۇل ورمانداردى باعالاۋدىڭ جاڭا ءادىسناماسىن, سونداي-اق بۇۇ-نىڭ كليماتتىق كەلىسىمدەرىنە سايكەس قازاقستانداعى كومىرتەگى شىعارىندىلارى جونىندەگى جوبالاردى ازىرلەۋ مەن ىسكە اسىرۋدى قامتيدى.
«بولاشاقتا ءبىز قازاقستان رەسپۋبليكاسىنىڭ ۇكىمەتىنە تابيعاتتى قورعاۋ زاڭناماسىن جەتىلدىرۋگە جانە تابيعاتتى پايدالانۋدى باسقارۋ ءۇشىن جاڭا قارجىلىق شەشىمدەرمەن بولىسۋگە ىقپال ەتۋدى جالعاستىرامىز. بۇل كۇن تارتىبىندەگى جەكە سەكتوردىڭ ءرولىن ارتتىرۋ مەن قىزىعۋشىلىعىن تارتۋ ءۇشىن باستى فاكتور بولىپ تابىلادى», - دەدى بۇۇدب-نىڭ قازاقستانداعى تۇراقتى وكىلى ياكۋپ بەريش.
كەزدەسۋ سوڭىندا تاراپتار ىنتىماقتاستىق تۋرالى ۇشجاقتى كەلىسىمگە قول قويدى. سەرىكتەستەر قازاقستاندا ورمان القاپتارىن ۇلعايتۋ جانە ورمان پايدالانۋ پراكتيكاسىن جەتىلدىرۋ, سونداي-اق كليماتتىڭ وزگەرۋى تۋرالى جۇرتشىلىقتىڭ حاباردار بولۋىن كۇشەيتۋ ەسەبىنەن پارنيكتىك گازدار شىعارىندىلارىن ازايتۋ بويىنشا جۇمىس ىستەيتىن بولادى.