مادەنيەت جانە سپورت مينيسترلىگىنىڭ تاپسىرىسى بويىنشا «ۇلتتىق اۋدارما بيۋروسى» قوعامدىق قورىنىڭ ۇيلەستىرۋىمەن «جاھانداعى زاماناۋي قازاقستاندىق مادەنيەت» جوباسى اياسىندا بۇۇ-نىڭ 6 تىلىنە اۋدارىلعان قازاق ادەبيەتى انتولوگيالارى120 مىڭ جيناقپەن الەمدەگى 23 مىڭنان اسا ءىرى كىتاپحانا, وقۋ ورىندارى مەن عىلىمي ورتالىقتارعا جەتكىزىلەتىن بولاتىن.
«ۇلتتىق اۋدارما بيۋروسى» قوعامدىق قورىنىڭ مالىمەتتەرى بويىنشا, ءار انتولوگيانىڭ تارالىمى – 10 مىڭ دانا. ونىڭ ىشىندە اعىلشىن ءتىلدى باسىلىمدار اعىلشىن ءتىلى رەسمي مارتەبەگە يە 18 مەملەكەتكە, اراب تىلىندەگى جيناقتار وسى تىلدە سويلەيتىن تاياۋ شىعىس پەن افريكاداعى 22 مەملەكەتكە, يسپان تىلىندەگى باسىلىمدار يسپانيامەن قاتار لاتىن امەريكاسىنىڭ 20 ەلىنە, قىتاي تىلىندەگى باسىلىمدار 1,5 ميلليارد حالقى بار ەلدىڭ بارلىق ايماقتارىنا, ورىس تىلىندەگى جيناقتار ورىس ءتىلىن بىلەتىن 14 مەملەكەتكە, فرانتسۋز تىلىندەگى تارالىم ەۋروپا مەن افريكانىڭ 17 ەلىنە تارالدى.
سونداي-اق قازاق ادەبيەتىنىڭ انتولوگيالارى ءىرى كىتاپحانا قورلارى مەن ونداعى ەرەكشە كىتاپتاردى ەسەپكە الاتىن WorldCat دەپ اتالاتىن حالىقارالىق بيبليوگرافيالىق جۇيەگە ەندى. انتولوگيالاردى العان ەلدەر مەن ۇيىمداردان 100-دەن اسا العىس حات كەلدى. ماسەلەن, فرانتسيا پرەزيدەنتى ەممانۋەل ماكرون, ۇلىبريتانيا ءبىلىم ءمينيسترى گەۆين ۋيليامسون العىس حاتىن جولدادى.