بۇگىنگى تاڭدا جامبىل وبلىسىنىڭ جەر قورى 14427,5 مىڭ گەكتاردى قۇرايدى. ونىڭ ىشىندە اۋىل شارۋاشىلىق ماقساتىنداعى جەرلەر, ەلدى مەكەندەردىڭ جەرلەرى, ونەركاسىپ, كولىك, بايلانىس, قورعانىس ماقساتىنداعى جەرلەر, ەرەكشە قورعالاتىن تابيعي اۋماقتاردىڭ جەرلەرى, ورمان قورىنىڭ جانە سۋ قورىنىڭ جەرلەرى بار.
ال, بوسالقى جەرلەر 1885,5 مىڭ گەكتاردى, باسقا مەملەكەت پايدالانىپ جاتقان جەر كولەمى 2492,6 مىڭ گەكتار كولەمدى الىپ جاتىر. الايدا, وتكەن جىلى وبلىس اۋداندارىندا 35,5 مىڭ گەكتار ەگىستىك جەرلەر يگەرۋسىز قالعان.
«قولدانىلعان شارالاردىڭ ناتيجەسىندە, يگەرىلمەگەن اۋىل شارۋاشىلىعى ماقساتىنداعى 104162 گەكتار جەر ۋچاسكەلەرى مەملەكەت مەنشىگىنە قايتارىلدى. سالىق مولشەرلەمەسىن 10 ەسەگە دەيىن كوتەرۋگە كولەمى 46964 گەكتار جەردىڭ مالىمەتى جولداندى. مەملەكەت يەلىگىنە قايتارىلعان جەرلەردى اۋىل شارۋاشىلىعى اينالىمىنا قوسۋ باستى نازاردا. بۇگىنگى تاڭدا قايتا اينالىمعا اۋداندار بويىنشا 18 كونكۋرس وتكىزىلىپ, قوسىلعان جەردىڭ اۋماعى 199,1 مىڭ گەكتارعا جەتتى. ونىڭ ىشىندە ەگىستىك جەرلەر 9,2 مىڭ گەكتاردى, جايىلىمدىق جەرلەر 189,9 مىڭ گەكتار جەردى قۇرايدى. كاسىپكەرلىك ماقساتىندا سۇرانىستاردى قاناعاتتاندىرۋ بويىنشا ەسەپتى مەرزىم ارالىعىندا وبلىس اۋداندارىندا 42 اۋكتسيون وتكىزىلدى. ناتيجەسىندە اۋماعى 114,6 گەكتار جەر ۋچاسكەلەرى 184,8 ميلليون تەڭگەگە باعالانىپ, ساتىلدى», دەيدى جامبىل وبلىستىق جەر قاتىناستارى باسقارماسىنىڭ باسشىسى باحتيار كوپبوسىنوۆ.
جامبىل وبلىسى