ۇشۋ قاۋىپسىزدىگىنە اسەر ەتەتىن شاعىن اۆياتسيا ماسەلەلەرى قارالدى

قازاقستاننىڭ اۆياتسيالىق اكىمشىلىگى ۇشۋ قاۋىپسىزدىگىنىڭ باستىعى ليندا ورلەدي «جاڭا رەتتەۋشى الەمدەگى ەڭ ۇزدىك ستاندارتتارعا سايكەس ۇشۋ قاۋىپسىزدىگىن قامتاماسىز ەتۋدى قولدايتىنىن جانە قازاقستاننىڭ اۋە كولىگى سالاسىن دامىتۋعا ىقپال ەتەتىن بولادى», دەپ اتاپ ءوتتى.

بۇگىنگى تاڭدا «شاعىن» اۆياتسيا تمد جانە باتىس ەلدەرىنىڭ اۋە تەحنيكالارىن پايدالاناتىن 41 اۋە كومپانيادان تۇرادى. جەڭىل جانە اسا جەڭىل اۆياتسيانىڭ قولدانىستاعى اۋە كەمەلەرىنىڭ جالپى سانى شامامەن 500 بىرلىكتى قۇرايدى.  كومپانيالار كولىك-بايلانىس ۇشۋلارى, اۆياحيميالىق جۇمىستار, ورمانداردى قورعاۋ جونىندەگى ورمان-اۆياتسيالىق جۇمىستار, حالىققا مەديتسينالىق كومەك كورسەتۋ, اپاتتىق-قۇتقارۋ ۇشۋلارى, ىزدەستىرۋ-قۇتقارۋ جۇمىستارى, ەكسكۋرسيالىق ۇشۋلار, ىزدەستىرۋ-ءتۇسىرۋ ۇشۋلارى جانە ت. ب. اۆياتسيالىق جۇمىس تۇرلەرىن ورىندايدى.

جۇمىس كەزدەسۋى بارىسىندا ۇشۋ قاۋىپسىزدىگىنىڭ قاجەتتى دەڭگەيىنە قول جەتكىزۋگە اسەر ەتەتىن نەگىزگى فاكتورلارعا باستى نازار اۋدارىلدى, ولاردىڭ ىشىندە شاعىن اۆياتسيا سالاسىنداعى ۇشۋ قاۋىپسىزدىگىن قامتاماسىز ەتۋدىڭ قۇقىقتىق رەگلامەنتتەرى, ۇشۋ جارامدىلىعىنىڭ جاعدايى, اۋە كەمەلەرىن سەرتيفيكاتتاۋ, ۇشقىشتاردى دايىنداۋ ساپاسى, قونۋ الاڭدارىندا قاۋىپسىزدىكتى قامتاماسىز ەتۋ,  شاعىن اۆياتسيا ۇشۋلارىن اەروناۆيگاتسيالىق قامتاماسىز ەتۋ.

اۆياتسيالىق اكىمشىلىك اۆياتسيالىق وقيعالار مەن وقىس وقيعالاردىڭ ناقتى جاعدايلارىن ۇسىندى, اۆياتسيالىق وقيعالاردىڭ سەبەپتەرىن ۋاقتىلى انىقتاۋ جانە جويۋ قاجەتتىلىگىن اتاپ ءوتتى.

شاعىن اۆياتسيادا ۇشۋ بيىكتىگىن ولشەۋ فۋتتىق جۇيەگە كوشىرۋدىڭ ورىندىلىعى اتالدى.  بۇل وزگەرىسكە ۇشۋ قاۋىپسىزدىگىنىڭ بارلىق اسپەكتىلەرىن ۇزاق تالقىلاۋ, وتپە ەشەلونىنان تومەن ۇشۋ كەزىندە قىسىمنىڭ دۇرىس ورناتىلماۋمەن بايلانىستى اۆياتسيالىق وقيعالار مەن وقىس وقيعالار بويىنشا ەسەپتەردى تالداۋ نەگىز بولدى. اۋە قوزعالىسىن ۇيىمداستىرۋ جۇيەسىندەگى تاعى ءبىر ماڭىزدى وزگەرىس اۋە كەڭىستىگىنىڭ قۇرىلىمىن يكاو تالاپتارىنا سايكەس كەلتىرۋ بولىپ تابىلادى. سونداي-اق 2020 جىلدىڭ 1 قاڭتارىنان باستاپ  ىزدەستىرۋ-قۇتقارۋ تىكۇشاقتارىن بازالاۋ پۋنكتتەرىنىڭ سانى كەڭەيتىلدى, بۇل قازاقستان رەسپۋبليكاسىنىڭ اۋماعىن تولىقتاي قامتۋدى قامتاماسىز ەتەدى.

قازاقستاننىڭ اۆياتسيالىق اكىمشىلىگى مەملەكەتتىك قىزمەتتەردى كورسەتۋ ساپاسىن جاقسارتۋ جانە جەتىلدىرۋ  پروتسەسىن تۇراقتى جۇرگىزۋدە. قازىرگى ۋاقىتتا ازاماتتار مەن زاڭدى تۇلعالارعا قولايلى بولۋ ءۇشىن مەملەكەتتىك قىزمەتتەر قازاقستان رەسپۋبليكاسىنىڭ ەلەكتروندىق ليتسەنزيالاۋ جۇيەسى (elicense.kz) ارقىلى ۇسىنىلادى. بۇگىندە دەيىن اۆياتسيالىق اكىمشىلىكپەن 2088 مەملەكەتتىك قىزمەت كورسەتىلگەن.

ءىس-شارا بارىسىندا ازاماتتىق اۆياتسياداعى قاۋىپسىزدىك مادەنيەتىن دامىتۋ ماسەلەلەرىن تالقىلاۋ جانە بەلسەندى پىكىرتالاستار ءوتتى. قازاقستاننىڭ اۆياتسيالىق اكىمشىلىگىنىڭ باس ديرەكتورى پيتەر گريففيتس كەڭەستىڭ ماڭىزدىلىعى مەن اۋقىمدىلىعىن, ءوز كەزەگىندە اۆياتسيالىق اكىمشىلىك ۇشۋ قاۋىپسىزدىگىن قامتاماسىز ەتۋ ماسەلەلەرى بويىنشا شاعىن اۆياتسياعا بارىنشا قولداۋ كورسەتەتىنىن اتاپ ءوتتى.