Telegram قولدانۋشىلارى سەرۆەردىڭ قىزىپ كەتۋىنە بايلانىستى الەۋمەتتىك جەلىنىڭ جۇمىس ىستەۋىندە قيىندىقتارعا تاپ بولۋدا.
كەشە قازاقستاندا نۇر-سۇلتان ۋاقىتى بويىنشا كەشكى ساعات 18:00 شاماسىندا مەسسەندجەردە پروبلەمالار پايدا بولدى.
قولدانۋشىلاردىڭ دەنى قوسىمشانى ىسكە قوسقان كەزدە جەلىگە قوسىلا المايدى. ال كەيبىرى حابارلاما جىبەرە الماي وتىر.
Downdetector سەرۆيسى پايدالانۋشىلاردىڭ 41 پروتسەنتى جەلىگە قوسىلا الماي وتىرعانىن تىركەگەن. ال 35 پروتسەنتى حابارلاما جولداۋ جانە الۋدا قيىندىق تۋىنداعانىن, 21 پروتسەنتى ءوز پاراقشالارىنا كىرە الماي وتىرعانىن حابارلاعان.
سول سياقتى, ەۋروپا تۇرعىندارى مىسىر, كۋۆەيت, ورتالىق امەريكالىق سالۆادوردا Telegram «قۇلاعانىن» مالىمدەگەن. اتالعان الەۋمەتتىك جەلى قازاقستان مەن رەسەيدە دە جۇمىس ىستەمەي تۇر.