بايلانىس وپەراتورلارىمەن وتكىزگەن بىرقاتار كەزدەسۋدىڭ ناتيجەسىندە ماڭىزدى قۇجاتقا قول قويىلدى. بۇل جايىندا تسيفرلىق دامۋ, يننوۆاتسيا جانە اەروعارىش ونەركاسىبى ءمينيسترى اسقار جۇماعاليەۆ Facebook پاراقشاسىندا جازدى.
تۇرعىن سانى 250 جانە ودان دا كوپ اۋىلدارعا جوعارى جىلدامدىقتى ءموبيلدى ينتەرنەتتى جۇرگىزۋدىڭ جوسپار-كەستەسىن قۇرىپ, ونى بارلىق وڭىرلەرمەن كەلىستىك.
ەلىمىز ءۇشىن ماڭىزى زور جوبانى وپەراتورلار ءوز قاراجاتى ەسەبىنەن ىسكە اسىرادى. بۇل اۋىل تۇرعىندارى ساپالى ءموبيلدى ينتەرنەتپەن قاتار, ەلەكتروندىق قىزمەتتەردى, قاشىقتىقتان وقىتۋ جانە ت.ب. پايدالانۋ مۇمكىندىگىنە يە بولادى. ەلباسى جانە ەل پرەزيدەنتى ەلدى مەكەندەردى ساپالى بايلانىس قىزمەتتەرىمەن قامتۋ جونىندە تاپسىرما بەردى. بۇل مىندەتتىڭ «نۇر وتان» پارتياسىنىڭ سايلاۋالدى باعدارلاماسىنا ەنگەنىن وزدەرىڭىز بىلەسىزدەر.
وسى جوبانى جۇزەگە اسىرۋ ءۇشىن بۇگىن «قازاقتەلەكوم» اق, «كسەلل» اق, «موبايل تەلەكوم-سەرۆيس» جشس جانە «كار-تەل» جشس مەموراندۋمعا قول قويدى. بايلانىس وپەراتورلارى اۋىلدىق ەلدى مەكەندەردى ءموبيلدى بايلانىسپەن جانە ينتەرنەتپەن قامتاماسىز ەتۋ ءۇشىن جەلىلەردى بىرلەسىپ قۇرۋعا جانە جيىلىكتەردى پايدالانۋعا ۋاعدالاستى. جاۋاپتى مىندەت ءۇشىن كۇش-جىگەر بىرىكتىرۋ - وتە دۇرىس شەشىم دەپ ويلايمىن.
وپەراتورلار جوبانىڭ كارتاسىن جاقىن ارادا جاساۋعا ۋادە بەردى. كارتانىڭ كومەگىمەن جوبانىڭ جۇزەگە اسىرىلۋىن قاداعالاي الامىز.