وسى كۇندەرى بياتلوننان جاسوسپىرىمدەر اراسىندا IV ماسكەۋ وبلىسى كۋبوگى (MRBOC) ءوتىپ جاتىر. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.
بۇل باسەكە بيىل العاش رەت حالىقارالىق بياتلون وداعىنىڭ (IBU) كۇنتىزبەسىنە ەنگەن.
جارىسقا 7 مەملەكەتتەن جانە رەسەيدىڭ 9 وڭىرىنەن 12-13 جاستاعى 34 كوماندانىڭ 211 ۇلى مەن قىزى اتسالىسۋدا.
ۇلتتىق قۇراما اتىنان تۋرنيردە قازاقستان بياتلونشىلار وداعى كۋبوگىندا توپ جارعان سپورتشىلار ونەر كورسەتۋدە. جارىس 15 اقپانعا دەيىن جالعاسادى.