قورداي اۋدانى قالىپتى جاعدايعا كەلدى

سونىمەن قاتار, قازىر قاراكەمەر, ماسانچي, بۇلار باتىر, سورتوبە, قاراسۋ جانە اۋقاتتى اۋىلدارىنىڭ بارلىق كىرىس-شىعىستارىنا بلوگ-پوستتار قويىلىپ, كوشەلەردە قوعامدىق ءتارتىپتى ساقتاۋ قاتاڭ قاداعالانۋدا.

قورداي اۋدانىندا ورىن العان قاقتىعىس سالدارىنان 30 تۇرعىن ءۇي مەن 17 كوممەرتسيالىق نىسان جانە 47 اۆتوكولىك ورتەنگەن بولاتىن. بۇگىندە الدىن-الا جاسالعان ەسەپتەۋلەرگە سايكەس, كەلتىرىلگەن زالال كولەمى انىقتالۋدا. سورتوبە, ماسانچي, بۇلار باتىر اۋىلدارىندا توبەلەستەن زارداپ شەككەن ازاماتتارمەن جۇمىس جاساۋ ماقساتىندا ارنايى توپتار قۇرىلىپ, حالىققا موبيلنىي قىزمەت كورسەتۋ قىزمەتى ۇيىمداستىرىلعان. مۇنداعى 2 ازاماتقا جەكە كۋالىك, 320 بالاعا شەكارادان وتۋگە انىقتاما, 45 نەكە تۋرالى كۋالىك جانە 6 ازاماتقا جىلجىمايتىن م ۇلىكتەرگە قۇجاتتار بەرىلدى. بۇل جۇمىس كۇندەلىكتى جالعاسىن تاۋىپ كەلەدى.

سونداي-اق, بۇگىندە اۋىل ىشىندەگى ورتەنگەن اۆتوكولىكتەردىڭ قاڭقالارىن جانە دە ءتۇرلى قوقىستاردى تازالاۋ جۇمىستارى تولىق اياقتالىپ, اۋدان كولەمىندە تۇراقتىلىق ورنادى. بۇل جۇمىسقا 125 ادام كۇشى مەن 30 تەحنيكا تارتىلعان. بۇگىنگى تاڭدا بارلىق الەۋمەتتىك نىساندار, ياعني, مەكتەپتەر مەن بالاباقشالار, ساۋدا ورىندارى مەن ءدارىحانالار قالىپتى جاعدايدا ءوز جۇمىستارىن اتقارىپ وتىر. سونىمەن قاتار, اتالعان اۋىلدارداعى زارداپ شەككەن تۇرعىندارعا جامبىل اۋدانى, جالپاقتوبە اۋىلىنان قازاقستان حالقى اسسامبلەياسى مۇشەلەرىنىڭ ۇيىمداستىرۋىمەن 20 توننا كولەمىندە گۋمانيتارلىق كومەك جەتسە, الماتى قالاسىنىڭ ءماسليحات قىزمەتكەرلەرى «قىزىل اي» قورىمەن بىرلەسىپ 54 بوتەلكە اۋىز سۋ, 124 كيلوگرامم ۇن جانە 60 قوراپ ازىق-ت ۇلىك جىبەرگەن.      

سونداي-اق جامبىل وبلىسىنىڭ «ۆىنحۋا» دۇنگەن ەتنومادەني بىرلەستىگىنىڭ ۆولونتەرى پارسا رامازان قاقتىعىس كەزىندە جاقىندارى قازا تاپقان 4 وتباسىنىڭ مۇشەلەرىنە 400 مىڭ تەڭگەدەن ماتەريالدىق كومەك كورسەتىپ, ازىق-ت ۇلىكپەن قامتاماسىز ەتكەن. بۇدان كەيىنگى ۋاقىتتاردا دا قورداي اۋدانى اۋماعىندا قوعامدىق ءتارتىپتى ساقتاۋ قاتاڭ قاداعالانا بەرەدى.