تالليندە قازاقستان رەسپۋبليكاسىنىڭ ەلشىسى نۇرلان سەيتىموۆتىڭ ەستونيا رەسپۋبليكاسىنىڭ سىرتقى ىستەر ءمينيسترى ۋرماس رەينسالۋمەن كەزدەسۋى ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
كەزدەسۋ بارىسىندا ەكىجاقتى ىنتىماقتاستىقتىڭ وزەكتى اسپەكتىلەرى جانە ولاردى دامىتۋ پەرسپەكتيۆالارى تالقىلاندى.
ۋ.رەينسالۋ قازاقستاننىڭ ەستونياداعى ەلشىلىگىنىڭ اشىلۋىن ىستىق ىقىلاسپەن قارسى الىپ, قازاقستان-ەستون مەملەكەتارالىق قاتىناستارىنىڭ جوعارى دەڭگەيى مەن دوستىق سيپاتىن اتاپ ءوتتى.
ەلشى ن.سەيتىموۆ ءتيىمدى ءىس-قيمىل ءۇشىن كەلەشەگى بار ىنتىماقتاستىقتىڭ نەگىزگى باعىتتارىن اتاپ ءوتتى: ەستونيا ايتارلىقتاي جەتىستىككە جەتكەن تسيفرلاندىرۋ سالاسى, اۋىل شارۋاشىلىعى, كولىك جانە لوگيستيكا, ءبىلىم بەرۋ پروتسەستەرىن ۇيىمداستىرۋ سالالارى.
تاراپتار ەكىجاقتى قاتىناستاردى ساپالى جاڭا دەڭگەيگە كوتەرۋ ءۇشىن تىعىز ىنتىماقتاستىق تۋرالى ۋاعدالاستى.