بيىل شىمكەنتتە ەرتە كوكتەمدە ەڭ العاش گۇلدەپ, قالا كەلبەتىنە ەرەكشە ءسان بەرەتىن 1 ميلليون 300 مىڭ دانا قىزعالداق گ ۇلى ەگىلدى. وسىلايشا تمد ەلدەرىنىڭ مادەني استاناسى مارتەبەسىن يەمدەنگەن شاھار قوناقتار مەن تۋريستەردى قۇلپىرعان اسەم گۇلدەرمەن قارسى الماق.
شىمكەنتتىڭ سيمۆولى بولىپ تابىلاتىن قىزعالداقتاردىڭ باسىم كوپشىلىگى گوللاندىق سۇرىپتاعى سارى, قىزىل, كوك, قىزعىلت جانە كۇلگىن ءتۇستى.
قىزعالداقتىڭ گۇلدەۋ ماۋسىمى اياقتالعاننان كەيىن, ورنىنا باسقا دا جازدىق گۇلدەر ەگىلەدى. بيىل ولاردىڭ سانى ەكى ەسەگە ارتپاق. ياعني, 2 ميلليونعا جۋىق جازدىق گۇل كوشەتتەرىن وتىرعىزۋ جوسپارلانۋدا.
بۇدان بولەك, وسى جىلى كوكتەم جانە كۇز ايلارىندا كوپجىلدىق 25 مىڭنان استام راۋشان گۇل كوشەتتەرى مەن 90 مىڭ ليگۋسترۋم بۇتاقشالارى, 30 مىڭ قىلقان جانە جاي جاپىراقتى اعاش كوشەتتەرى وتىرعىزىلماق. وسىلايشا اسەم گۇلدەر مەن جاسىل جەلەك ءۇشىنشى مەگاپوليستىڭ اجارىن اشا تۇسپەك. قالانى كوگالداندىرۋ ىسىنە جاۋاپتى مامانداردىڭ ايتۋىنشا, گۇلدەر سۋرەتشىلەردىڭ بىرلەسىپ سىزعان ەسكيزىنە ساي ەگىلەدى.
شىمكەنت