12 اقپاندا قالا كوشەلەرىن قاردان تازارتۋ جۇمىستارىنا 1 462 تەحنيكا بىرلىگى مەن 1 731 جول جۇمىسشىسى تارتىلدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
ال 11 اقپاننان 12-نە قاراعان ءتۇنى قار تازالاۋ جۇمىستارىنا 1 322 تەحنيكا بىرلىگى مەن 161 جول جۇمىسشىسى جۇمىلدىرىلعان بولاتىن. ناتيجەسىندە, 2 743 رەيس جاسالىپ, 32 919 تەكشە مەتر قار شىعارىلدى.
ايتا كەتەيىك, جالپى وسى ۋاقىتقا دەيىن 3 473 242 تەكشە مەتر قار پوليگوندارعا توگىلدى (284 509 رەيس).