زاگرەب قالاسىندا قازاقستاننىڭ ەلشىسى تولەجان بارلىباەۆتىڭ حورۆاتيانىڭ سىرتقى جانە ەۋروپالىق ىستەر ءمينيسترى گوردان گرليچ رادمانمەن كەزدەسۋى ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
كەزدەسۋ بارىسىندا حورۆات ءمينيسترى بريۋسسەلدە قر-ەو ىنتىماقتاستىق كەڭەسىنىڭ 17-ءشى وتىرىسى بارىسىندا قازاقستاننىڭ ءسىم باسشىسى مۇحتار تىلەۋبەردىمەن جاقىندا بولعان كەلىسسوزدەردىڭ ناتيجەلەرىنە جوعارى باعا بەردى. ول وسى جىلدىڭ ءى-ءشى جارتىجىلدىعىندا ەۋروپا وداعىنىڭ كەڭەسىنە حورۆاتيانىڭ توراعالىق ەتۋ ميسسياسى تۋرالى ايتىپ, ەو مەن قازاقستانمەن اراسىنداعى ىنتىماقتاستىقتى نىعايتۋدىڭ ماڭىزدىلىعىن اتاپ ءوتتى.
تاراپتار ەكىجاقتى بايلانىستاردىڭ قارقىندى دامىپ كەلە جاتقانىن اتاپ, وعان حورۆاتيانىڭ نۇر-سۇلتان قالاسىندا ەلشىلىگى مەن سپليت قالاسىنداعى قازاقستاننىڭ كونسۋلدىعىنىڭ اشىلۋى, ەكونوميكالىق ىنتىماقتاستىق تۋرالى جانە قوسارلانعان سالىق سالۋدى بولدىرماۋ تۋرالى كەلىسىمدەردىڭ كۇشىنە ەنۋى, سونىمەن قاتار 2019 جىلدىڭ ساۋىرىنەن باستاپ قر جانە Xر سىرتقى ىستەر مينيسترلەرىنىڭ ءتورت رەسمي كەزدەسۋى دالەل بولدى.
ەلشى ۇ.ج. زاگرەبتە جوسپارلانعان ەكونوميكالىق ىنتىماقتاستىق جونىندەگى قازاقستان-حورۆاتيا ۇكىمەتارالىق كوميسسيانىڭ 1-ءشى وتىرىسىنىڭ وتكىزۋ مەرزىمىنىڭ پىسىقتالۋىن, سونداي-اق نۇر-سۇلتان قالاسىندا 2020 جىلدىڭ ماۋسىمىندا وتكىزۋى جوسپارلانعان دۇنيەجۇزىلىك ساۋدا ۇيىمىنىڭ (دسۇ) 12-مينيسترلىك كەزدەسۋىنە دايىندىق بارىسى تۋرالى حاباردار ەتتى.
گ.گرليچ رادمان 2020 جىلعى ماۋسىمدا دسۇ-نىڭ مينيسترلىك كونفەرەنتسياسىنا قاتىسۋ, سونداي-اق قازاقستاندىق سەرىكتەستەرمەن ەكىجاقتى كەلىسسوزدەر جۇرگىزۋ ءۇشىن قازاقستان استاناسىنا بارۋ نيەتىن راستادى.