بۇگىن پالاتا سپيكەرى نۇرلان نىعماتۋليننىڭ توراعالىعىمەن ءماجىلىستىڭ جالپى وتىرىسى ءوتتى. وندا ۇجىمدىق قاۋىپسىزدىككە قاتىستى بىرقاتار راتيفيكاتسيالىق زاڭ جوبالارى ماقۇلداندى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.
اتاپ ايتقاندا, 1992 جىلعى 15 مامىرداعى ۇجىمدىق قاۋىپسىزدىك تۋرالى شارتقا وزگەرىستەر ەنگىزۋ تۋرالى ەكىنشى حاتتامانى راتيفيكاتسيالاۋ تۋرالى زاڭ جوباسى حاتتاماعا سايكەس ۇجىمدىق قاۋىپسىزدىك كەڭەسى قاتىسۋشى مەملەكەتتەردىڭ باسشىلارىنان نە, ەگەر ءوز مەملەكەتىنىڭ زاڭناماسىنا سايكەس كەڭەستىڭ قۇزىرەتىنە كىرەتىن ماسەلەلەر بويىنشا شەشىم قابىلداۋ وكىلەتتىكتەرى بەرىلگەن بولسا, قاتىسۋشى مەملەكەتتەردىڭ ۇكىمەت باسشىلارىنان تۇرۋعا ءتيىس.
سونىمەن قاتار ۇجىمدىق قاۋىپسىزدىك جۇيەسىنىڭ كۇشتەرى مەن قۇرالدارىن پايدالانۋ تۋرالى شەشىمدى قاتىسۋشى مەملەكەتتەردىڭ باسشىلارى نە, ەگەر ءوز مەملەكەتىنىڭ زاڭناماسىنا سايكەس ءتيىستى وكىلەتتىكتەر بەرىلگەن بولسا, قاتىسۋشى مەملەكەتتەردىڭ ۇكىمەت باسشىلارى قابىلدايتىن بولادى.
وتىرىستا «2002 جىلعى 7 قازانداعى ۇجىمدىق قاۋىپسىزدىك تۋرالى شارت ۇيىمىنىڭ جارعىسىنا وزگەرىستەر ەنگىزۋ تۋرالى ەكىنشى حاتتامانى راتيفيكاتسيالاۋ تۋرالى» زاڭ جوباسى ماقۇلداندى. حاتتاماعا سايكەس ۇجىمدىق قاۋىپسىزدىك كەڭەسىنىڭ قۇرامىنا مۇشە مەملەكەتتەردىڭ باسشىلارى نە, ەگەر ءوز مەملەكەتىنىڭ زاڭناماسىنا سايكەس كەڭەستىڭ قۇزىرەتىنە كىرەتىن ماسەلەلەر بويىنشا شەشىم قابىلداۋ وكىلەتتىكتەرى بەرىلگەن بولسا, مۇشە مەملەكەتتەردىڭ ۇكىمەت باسشىلارى كىرەدى.
ەگەر كەڭەس وزگەشە شەشىم قابىلداماسا, اۋماعىندا كەڭەستىڭ كەزەكتى سەسسياسى وتەتىن مەملەكەت اتىنان وكىلدىك ەتەتىن كەڭەستىڭ مۇشەسى ۇجىمدىق قاۋىپسىزدىك كەڭەسىنىڭ توراعاسى بولىپ تابىلادى. جالپى وتىرىستا ۇجىمدىق قاۋىپسىزدىك تۋرالى شارت ۇيىمىنىڭ جارعىسىنا وزگەرىستەر ەنگىزۋ تۋرالى ءۇشىنشى حاتتامانى راتيفيكاتسيالاۋ تۋرالى زاڭ جوباسى دەپۋتاتتار تاراپىنان قولداۋ تاپتى. حاتتامانىڭ ماقساتى ارىپتەستىك ينستيتۋتىن قۇرۋ جانە ۇجىمدىق قاۋىپسىزدىك تۋرالى شارت ۇيىمى جانىنداعى بايقاۋشىنىڭ مارتەبەسىن رەتتەيتىن نورمالاردى جەتىلدىرۋ.
حاتتاماعا سايكەس ۇيىمنىڭ اشىق نورماتيۆتىك قۇقىقتىق بازاسىن, قىزمەت تاجىريبەسى مەن پراكتيكاسىن زەردەلەۋگە قىزىعۋشىلىق تانىتاتىن, ۇيىمعا مۇشە بولىپ تابىلمايتىن مەملەكەتتەر, سونداي-اق حالىقارالىق ۇيىمدار ۇيىمنىڭ پراكتيكالىق ءىس-شارالارىنا قاتىسۋ تۋرالى مىندەتتەمەلەر قابىلداماستان, ۇيىم جانىنداعى بايقاۋشى مارتەبەسىن الا الادى.
ۇيىمنىڭ ماقساتى مەن قاعيداتتارىن جاقتايتىن, ۇيىمنىڭ پراكتيكالىق ءىس-شارالارىنا قاتىسۋ بويىنشا مىندەتتەمەلەر قابىلداپ ءوزارا قىزىعۋشىلىق بىلدىرەتىن سالالاردا ۇيىممەن ءوزارا ءتيىمدى ىنتىماقتاستىق قاتىناسىن ورناتۋ مەن دامىتۋدى قالايتىن, ۇيىمعا مۇشە بولىپ تابىلمايتىن مەملەكەتتەر, سونداي-اق حالىقارالىق ۇيىمدار ۇيىمنىڭ ارىپتەسى مارتەبەسىن الا الادى.
سونداي-اق وتىرىستا ماقۇلدانعان ۇجىمدىق قاۋىپسىزدىك تۋرالى شارت ۇيىمىنىڭ قۇقىقتىق مارتەبەسى تۋرالى كەلىسىمگە وزگەرىستەر ەنگىزۋ تۋرالى ەكىنشى حاتتامانى راتيفيكاتسيالاۋ تۋرالى زاڭ جوباسىنىڭ ماقساتى – ۇقشۇ-نىڭ تۇراقتى جۇمىس ىستەيتىن جۇمىس ورگاندارىن قاجەتتى قىزمەت جاعدايلارىمەن قامتاماسىز ەتۋ.
حاتتامادا ۇقشۇ-عا مۇشە مەملەكەتتەردىڭ ۇقشۇ باس حاتشىسىنىڭ ورىنباسارلارى لاۋازىمدارىن اتقاراتىن وكىلدەرىنە بولۋ ەلىندە 1961 جىلعى 18 ساۋىردەگى ديپلوماتيالىق قاتىناستار تۋرالى ۆەنا كونۆەنتسياسىندا ديپلوماتيالىق اگەنت پەن ونىڭ وتباسى مۇشەلەرى ءۇشىن كوزدەلگەن كولەمدە ديپلوماتيالىق ارتىقشىلىقتار مەن يممۋنيتەت بەرۋ ارقىلى ولاردىڭ الەۋمەتتىك قورعالۋىن ارتتىرۋ كوزدەلەدى.
سونىمەن قاتار بۇگىن پالاتا مەملەكەتتىك ساتىپ الۋ ماسەلەلەرى تۋرالى زاڭ جوباسىن جۇمىسقا الدى. جالپى وتىرىس سوڭىندا حالىق قالاۋلىلارى مەملەكەتتىك ورگانداردىڭ باسشىلارىنا بىرنەشە دەپۋتاتتىق ساۋالدار جولدادى. ولار ي. ارونوۆا, ە. بەكتۇرعانوۆ, ا. جامالوۆ, پ. كازانتسەۆ, ي. كليمەنكو, ا. پلاتونوۆ م. پىشەمباەۆ, ب. سماعۇل, م. تەمىرجانوۆ, ج. احمەتبەكوۆ, ا. قوڭىروۆ, ت. سىزدىقوۆ, ا. پەرۋاشەۆ.