مۇعالىمدەردىڭ ورتاشا جالاقىسى 150-160 مىڭ تەڭگەنى قۇرايدى. بۇل تۋرالى نۇر-سۇلتان قالاسى №54 مەكتەپ-ليتسەي ديرەكتورى شاكارىم سەيسەنباي «Qazaqstan» تەلەارناسىنداعى «اشىق الاڭ» باعدارلاماسىنىڭ تىكەلەي ەفيرىندە ايتتى.
«مۇعالىمدەردىڭ جالاقىسى كوتەرىلگەنگە دەيىن ورتاشا جالاقى 110-120 مىڭ تەڭگە بولعان. قاڭتار ايىندا جالاقى كوتەرىلگەننەن كەيىن 150-160 مىڭ تەڭگەنى قۇرادى», - دەيدى ول.
مەكتەپ ديرەكتورىنىڭ ايتۋىنشا, مۇعالىمدەردىڭ جالاقىسى قاڭتار ايىنان باستاپ 25 پايىزعا وسكەن.
«بۇل مۇعالىمدەردىڭ كوڭىل-كۇيىنە وڭ اسەر ەتتى», - دەيدى شاكارىم سەيسەنباي.