بياتلوننان قازاقستان كومانداسىنىڭ ءتورت سپورتشىسى ءىرى حالىقارالىق جانە رەسپۋبليكالىق جارىستاردان شىعارىلىپ, ۇلتتىق قۇرامادان شەتتەتىلدى. بۇل تۋرالى بۇگىن وتكىزىلگەن وداقتىڭ كەزەكتەن تىس جيىنىندا بەلگىلى بولدى. وسىعان وراي, قبو پرەزيدەنتى ەرمەك قيزاتوۆ پىكىر ءبىلدىردى. بۇل جايىندا ۇلتتىق وليمپيادالىق كوميتەتتىڭ ءباسپاسوز قىزمەتى حابارلادى.
«سپورتشىلار ءوز ەلىنىڭ ايناسى. سپورتتىق ءتارتىپتى بۇزعاندار كوماندانىڭ عانا ەمەس, تۇتاس قازاقستاننىڭ يميدجىنە نۇقسات كەلتىردى. بىزدە سپورت تۇرلەرى ايتارلىقتاي كوپ ەمەس, دەسە دە, ءبىز ءتارتىپتى تاڭدايمىز», - دەدى ەرمەك قيزاتوۆ.
ايتا كەتەلىك, انتون پانتوۆ 4 جىلعا, تيمۋر كۋتس, ۆلاديسلاۆ ۆيتەنكو جانە رومان ەرەمين 1 جىلعا سپورتتان شەتتەتىلدى.