پارلامەنت دەپۋتاتتارىنىڭ ەل وڭىرلەرىنە ساپارى اياسىندا سەنات دەپۋتاتى ءادىل احمەتوۆ پەن ءماجىلىس دەپۋتاتى قۋانىش سۇلتانوۆ قىزىلوردا وبلىسىندا بولىپ, شيەلى, جالاعاش, جانە سىرداريا اۋداندارىن ارالادى.
پارلامەنت دەپۋتاتتارىنىڭ ەل وڭىرلەرىنە ساپارى اياسىندا سەنات دەپۋتاتى ءادىل احمەتوۆ پەن ءماجىلىس دەپۋتاتى قۋانىش سۇلتانوۆ قىزىلوردا وبلىسىندا بولىپ, شيەلى, جالاعاش, جانە سىرداريا اۋداندارىن ارالادى.
دەپۋتاتتار «قازاتومپروم» ۇلتتىق كومپانياسىنىڭ ۋران جانە كۇكىرت ءوندىرۋ كاسىپورىندارىنىڭ جۇمىسىمەن, «باتىس قىتاي – باتىس ەۋروپا» اۆتوكولىك ءدالىزىنىڭ قۇرىلىسىمەن تانىستى. سونداي-اق, دەپۋتاتتار وبلىس اكىمدىگىندە وتكەن كۇرىش شارۋاشىلىعىنىڭ كەلەلى ماسەلەلەرى ءسوز بولعان كەڭەيتىلگەن جيىنعا قاتىستى.
قىزىلوردا ءوڭىرى تۇرعىندارىمەن كەزدەسە وتىرىپ, ءا.احمەتوۆ پەن ق.سۇلتانوۆ الەۋمەتتىك قامسىزداندىرۋ, تۇرعىن ءۇي قۇرىلىسى, مادەنيەت سالالارىن دامىتۋدىڭ تولعاقتى ماسەلەلەرىن تالقىلادى.
– جالپى, وبلىستا يندۋستريالىق-يننوۆاتسيالىق دامۋ, ورتا جانە شاعىن كاسىپكەرلىكتى قولداۋ, تۇرعىنداردى الەۋمەتتىك قورعاۋ بويىنشا كوپ جۇمىستار اتقارىلۋدا. اسىرەسە, ينفراقۇرىلىمدى جاڭعىرتۋ, قالالار مەن اۋىلداردى كوركەيتۋدەگى تىڭ ارەكەتتەردى اتاپ ءوتۋ قاجەت, – دەدى سەناتور ءا.احمەتوۆ.
قىزىلوردا.
***
پارلامەنت سەناتىنىڭ دەپۋتاتى جابال ەرعاليەۆ توتەنشە جاعدايلار مينيسترلىگى كوكشەتاۋ تەحنيكالىق ينستيتۋتىنىڭ كۋرسانتتارىمەن كەزدەستى.
سەناتور ينستيتۋتتىڭ باسشىلىعى مەن جەكە قۇرامىنا ەلىمىزدەگى قانداي دا بولسىن يگىلىكتى ىستەرگە بەلسەنە اتسالىساتىن جىگەرلى ۇمتىلىستارى ءۇشىن ريزاشىلىعىن بىلدىرە كەلىپ, ءبىرىنشى كۋرسقا قابىلدانعان كۋرسانتتارعا تابىس تىلەدى. سونداي-اق ول كۋرسانتتاردىڭ قۇتقارۋشى سياقتى مارتەبەلى ماماندىقتى تاڭداۋ ارقىلى وزدەرىنىڭ ومىرلىك جولىن تاڭداعانىن اتاپ ءوتتى.
مەملەكەت باسشىسى نۇرسۇلتان نازارباەۆ قازاقستان حالقىنا جولداۋىندا «باسەكەگە قابىلەتتى دامىعان مەملەكەت بولۋ ءۇشىن ءبىز ساۋاتتىلىعى جوعارى ەلگە اينالۋىمىز كەرەك», دەپ ۇلت الدىنا بيىك ماقسات قويعانىن سەناتور كەزدەسۋگە قاتىسۋشىلاردىڭ ەسىنە سالدى. سىزدەر وسى وقۋ ورنىنىڭ قابىرعاسىنان لايىقتى ءبىلىم الىپ, وتانىمىزدىڭ يگىلىگى ءۇشىن بار كۇش-جىگەرى مەن ءبىلىمىن اياماي جۇمسايتىن, جۇرت ماقتان ەتەرلىك ناعىز قۇتقارۋشى مامان بولىپ شىعاسىزدار, دەدى جابال ەرعاليەۆ.
كوكشەتاۋ.
***
پارلامەنت سەناتى الەۋمەتتىك-مادەني دامۋ كوميتەتىنىڭ توراعاسى اقان بيجانوۆ الماتى قالاسىنداعى ايماقتىق دياگنوستيكالىق ورتالىعىندا بولدى.
سەناتور كەزدەسۋ بارىسىندا دياگنوستيكالىق ورتالىق قىزمەتكەرلەرىمەن ەلباسى نۇرسۇلتان نازارباەۆتىڭ جولداۋىندا جانە «قازاقستانىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى ماقالاسىندا كورسەتىلگەن الەۋمەتتىك-ەكونوميكالىق جاڭعىرتۋ ماسەلەلەرىن اڭگىمەگە ارقاۋ ەتتى.
كەزدەسۋدە سەنات دەپۋتاتى دەنساۋلىق ساقتاۋ سالاسىن دامىتۋ ماسەلەسىنە ەرەكشە نازار اۋدارىلىپ, سالاعا بولىنەتىن قاراجاتتىڭ جىل ساناپ ءوسىپ كەلە جاتقاندىعىن, «سالاماتتى قازاقستان» باعدارلاماسى جۇزەگە اسىرىلىپ جاتقاندىعىنا توقتالدى.
سونداي-اق, سەناتور وتكەن پارلامەنتتىك سەسسيا بارىسىندا اتقارىلعان ىستەر تۋرالى ايتا كەلىپ, جۇزدەسۋگە جينالعان ءدارىگەرلەر قاۋىمىن تولعاندىرىپ ءجۇرگەن كوپتەگەن سۇراقتارىنا جاۋاپ قايتاردى.
الماتى.