بۇگىن اباي اۋدانى, قاراۋىل اۋىلىندا اباي قۇنانباەۆتىڭ 175 جىلدىعىنا وراي «قانسوناردا بۇركىتشى شىعادى اڭعا» اتتى رەسپۋبليكالىق بۇركىتشىلەر سايىسى باستالدى.
قۇسبەگىلەر دوداسى ەكى كۇنگە سوزىلادى. بۇگىن بۇركىتشىلەر قولعا قوندىرۋ, ەركىن ۇشىرۋ, شىرعا سالۋ سەكىلدى كەزەڭدەر بويىنشا سىنعا تۇسەدى.
ۇيىمداستىرۋشىلاردىڭ ايتۋىنشا, سايىسقا ەلىمىزدىڭ 13 وبلىسى مەن ەكى قالاسىنان 50-دەن استام قۇسبەگى كەلگەن.
شارانىڭ اشىلۋ سالتاناتىندا اباي اۋدانى اكىمى جارقىنبەك بايسابىروۆ قۇتتىقتاۋ ءسوز سويلەپ, الىس-جاقىننان كەلگەن بۇركىتشىلەرگە العىس ايتتى.