الماتى قارجى پوليتسياسى جالعان كاسىپكەرلەردىڭ اتىنان زاڭسىز قۇجاتتار جاساۋ ارقىلى وزگە كومپانيالاردىڭكوپ كولەمدەگى سالىقتان جالتارۋلارىنا كومەكتەسىپ جۇرگەن قىلمىستىق توپتىقولعا ءتۇسىردى. بۇل تۋرالى BNews.kz ءتىلشىسى حابارلادى.
اقپارات كوزدەرى بۇل قىلمىستىق توپقا الماتى قالاسى سالىق دەپارتامەنتى ديرەكتورىنىڭ ورىنباسارى ب.ءاجىنۇروۆ قامقورلىق كورسەتكەنىن جەتكىزەدى. بۇل توپتىڭ ىزىنە تۇسكەنقارجى پوليتسياسىنىڭ قىزمەتكەرلەرى جالعان كاسىپكەرلەرمەن جاسالعان كۇدىكتى كەلىسىمدەر بويىنشا جالپى سوماسى 600 ملن. تەڭگەگە تەڭ بۋحگالتەرلىك قۇجاتتاردىڭ (ەسەپ-فاكتۋرا, فيسكالدىق چەكتەر, كاسسالىق وردەرلەرگە تۇبىرتەكتەر, ەڭبەك دەمالىسىنا ۇستەمە اقىلار) جاسالعانىن انىقتادى.
«جالعان كاسىپكەرلەر زاڭسىز نەگىزدە تۇسكەن اقشالاي تابىستىڭ بەلگىلى ءبىر پايىزىن قامقورلىق جاساعانى ءۇشىن الماتى قالاسى سالىق دەپارتامەنتى ديرەكتورىنىڭ ورىنباسارىنا تولەپ وتىرعان», - دەلىنگەن حابارلامادا.
ۇستىمىزدەگى 7 تامىزىندا الماتى قالاسى بويىنشا سالىق دەپارتامەنتى باسشىسىنىڭ ورىنباسارى ب.اجىنۇروۆقا قارسى قىزمەتتىك بابىن اسىرا پايدالانۋ (قىلمىستىق كودەكستىڭ 307-بابى 2-تارماعى) فاكتىسى بويىنشا قىلمىستىق ءىس قوزعادى.
كەيىن ب.ءاجىنۇروۆتىڭ ءوزى دە جالعان قۇجات جاساپ بەرگەنى ءۇشىن 26 ملن. تەڭگە كولەمىندە پارا الىپ جاتقان جەرىندە قولعا ءتۇستى. سونداي-اق, ونىڭ كابينەتىن ءتىنتۋ كەزىندە 30 مىڭ دوللارعا تارتا اقشا مەن وزگە دە جالعان كاسىپكەرلەردىڭ قۇجاتتارى تابىلعان.
«قىلمىستىق ءىس تەرگەلۋدە, ونىڭ ناتيجەسى جايىندە كەيىن حابارلاناتىن بولادى», - دەپ مالىمدەدى قارجى پوليتسياسىنان.
سۇلتان بوزايعىر.