ەڭبەك جانە حالىقتى الەۋمەتتىك قورعاۋ مينيسترلىگى aleumet.egov.kz الەۋمەتتىك قىزمەتتەر پورتالىنىڭ جۇمىس ءتارتىبىن رەتتەيتىن ءۇش بۇيرىقتى قابىلدادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
ەگەر بۇرىن تەحنيكالىق وڭالتۋ قۇرالدارىن (بۇدان ءارى – توق) ساتىپ الۋ مەملەكەتتىك ساتىپ الۋ تۋرالى زاڭناماعا سايكەس جۇرگىزىلسە, ەندى مۇگەدەكتەر جەكە قاجەتتىلىكتەرىن ەسكەرە وتىرىپ, وڭالتۋ قۇرالدارى مەن قىزمەتتەرىن وزدەرى تاڭداي الادى. ولار سونىمەن قاتار جەتكىزۋشىلەردى رەيتينگى, شولۋلار, ۇسىنىلعان تاۋارلاردىڭ باعاسى مەن ساپاسىنا قاراي تاڭداي الادى.
بۇل قىزمەت ەرەكشە قاجەتتىلىكتەرى بار 300 مىڭنان استام ادامعا قىزمەت كورسەتە الادى دەپ جوسپارلانعان.
ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ اتاپ وتكەندەي, ءبىرىنشى بۇيرىق جەتكىزۋشىلەرگە پورتالدا تىركەلىپ, تاۋارلار مەن قىزمەتتەردى ورنالاستىرۋعا مۇمكىندىك بەرەدى. ەندى مۇگەدەكتەر پورتال ارقىلى ارنايى الەۋمەتتىك قىزمەتتەردى, سونداي-اق جەكە ىرىكتەۋدى قاجەت ەتپەيتىن تەحنيكالىق وڭالتۋ قۇرالدارىنىڭ 55 تۇرىنەن 24 ءتۇرىن تاڭداي الادى. قالعان 31 ءتۇرى پورتالعا 2021 جىلدىڭ قاڭتارىنان باستاپ ەنگىزىلەدى, ال 2020 جىلدىڭ 1 شىلدەسىنەن باستاپ - جەكە كومەكشىنىڭ, ىمداۋ ءتىلى مامانىنىڭ جانە ساناتوريلىك قىزمەتتەرى ۇسىنىلادى.
ەكىنشى قۇجات جەتكىزۋشىگە مۇگەدەكتەر پورتال ارقىلى ساتىپ العان تاۋارلار مەن قىزمەتتەردىڭ قۇنىن وتەۋ ءتارتىبىن رەتتەيدى. بۇل پايدالانۋشىعا جەتكىزۋشىگە ايىرماشىلىقتى تولەي وتىرىپ, مەملەكەت كەپىلدىك بەرگەن سومادان قىمبات تاۋارلاردى ساتىپ الۋعا مۇمكىندىك بەرەدى.
ءۇشىنشى بۇيرىق توق جانە الەۋمەتتىك قىزمەتتەردىڭ قۇنىن وتەۋ رەتىندە ۇسىنىلاتىن مەملەكەتتىك كەپىلدەندىرىلگەن سومانى ەسەپتەۋدى رەتتەيدى.
الەۋمەتتىك قىزمەتتەر پورتالى الەۋمەتتىك قىزمەتتەر جۇيەسىن جاڭعىرتۋ جانە قىزمەتتەردىڭ ساپاسى مەن قولجەتىمدىلىگىن ارتتىرۋ ماقساتىندا ىسكە قوسىلعانىن اتاپ وتكەن ءجون. بۇگىنگى كۇنى الەۋەتتى پايدالانۋشىلاردىڭ 90% -ى ەتسق كىلتتەرىن الدى.
قىزمەت «مۇگەدەكتەردىڭ ورتالىق دەرەكقورى», ء«موبيلدى ازاماتتار بازاسى», «الەۋمەتتىك تىركەلىم», «بىرىڭعاي دەرەكتەر قويماسى», «ەڭبەك كەلىسىمشارتتارىنىڭ بىرىڭعاي جۇيەسى», «جىلجىمالى م ۇلىك ءتىزىلىمى» جانە ت.ب. اقپاراتتىق جۇيەلەرمەن ينتەگراتسيالانعان.