نۇر-سۇلتان قالالىق پوليتسيا دەپارتامەنتى جول ەرەجەسىن كوزگە ىلمەيتىن «جۇگەرمەك» جۇرگىزۋشىلەردىڭ رەيتينگىن جاريالادى. ءمالىم بولعانداي, جول ەرەجەسىن ەڭ كوپ بۇزعانداردىڭ كوشىن شەتەلدىك ەسەپتە تۇرعان كولىك قۇرالدارىنىڭ يەلەرى باستاپ تۇر.
پوليتسيا دەپارتامەنتى تاراتقان مالىمەتكە قاراعاندا, قازاقستاندا تىركەلمەگەن كولىكتەردىڭ جۇرگىزۋشىلەرى جاۋاپقا تارتىلمايتىنىن سەزىپ, جۇيەلى تۇردە ەرەجە بۇزىپ كەلگەن.
قازىرگى تاڭدا بەلگىلى بولعانداي, 2019 جىلدىڭ قازانىنان باستاپ اكىمشىلىك پوليتسيا ساقتاندىرۋ كومپانيالارىنىڭ بازاسىنا كىرۋگە رۇقسات الدى. بۇعان دەيىن شەتەلدىك ءنومىرى بار كولىك يەلەرى ايىپپ ۇلى 817 ملن تەڭگە كولەمىندە ەرەجە بۇزعان. الايدا, ايىپپۇلدىڭ 93%-ى تولەنبەگەن. جۇرگىزۋشىلەر ءتيىستى ورگانداردىڭ شاراسىزدىعىن, ء«تىسى باتپايتىنىن» پايدالانىپ, جولداعى باسقا كولىكتەرگە كەدەرگى كەلتىرگەن جانە اپاتتىق جاعدايلار تۋعىزعان.
2019 جىلى ەرەجە بۇزعان جۇرگىزۋشىلەر رەيتينگى:
انتي-رەيتينگتە ءبىرىنشى ورىندا ارمەنيا رەسپۋبليكاسىندا ەسەپتە تۇرعان «BMW» ماركالى كولىك يەسى تۇر. بۇل كولىكتىڭ يەسى – قازاقستاننىڭ 1989 جىلى تۋعان ازاماتى, ول وتكەن جىلى 437 رەت ەرەجە بۇزعان.
«Toyota Camry» كولىگى 369 رەت اكىمشىلىك قۇقىق بۇزعان. بۇل كولىك تە كورشى ەلدە ەسەپتە تۇر, ونىڭ يەسى – 1969 جىلى تۋعان ەر ادام. ول «مارتەبەلى» ەكىنشى ورىنعا يە.
ءۇشىنشى جانە ءتورتىنشى ورىندى ەكى كولىكتىڭ يەسى – 1987 جىلى تۋعان ازامات العان. ونىڭ كولىكتەرى دە ارمەنيادا ەسەپتە تۇر. «Toyota IPSUM» ماركالى كولىكپەن 72 رەت اكىمشىلىك قۇقىق بۇزسا, «Nissan Tida» – 69, جالپى 141 رەت ەرەجە بۇزعان.
بەسىنشى ورىندا – 29 جاستاعى استانا تۇرعىنى. ول «Porsche Cayenne» ماركالى كولىگىمەن 74 رەت جول ەرەجەسىن بۇزعان. بۇل كولىك تە شەتەلدە تىركەلگەن.