فۋتبولدان قاراعاندىنىڭ «شاحتەر» كومانداسى تيرانا قالاسىندا البانيانىڭ «سكەندەربەۋ» كلۋبىمەن وتكەن كەزدەسۋدە ەكى ويىننىڭ ناتيجەسى بويىنشا چەمپيوندار ليگاسىنىڭ پلەي-وفف كەزەڭىنە شىقتى.
فۋتبولدان قاراعاندىنىڭ «شاحتەر» كومانداسى تيرانا قالاسىندا البانيانىڭ «سكەندەربەۋ» كلۋبىمەن وتكەن كەزدەسۋدە ەكى ويىننىڭ ناتيجەسى بويىنشا چەمپيوندار ليگاسىنىڭ پلەي-وفف كەزەڭىنە شىقتى.
بۇل كەزدەسۋدە اۋەلى سەرگەي حيجنيچەنكونىڭ ەسەپتى اشۋعا مۇمكىندىگى بولعان. ول الاڭنىڭ ورتاسىنان ادەمى شىعارىلعان پاستى ۇتىمدى پايدالانسا دا, سول قاپتالدان جالعىز ءوزى قاقپاشىمەن بىردە-بىرگە شىعىپ, دوپ سوعۋ مۇمكىندىگىن جىبەرىپ الدى. دوپ قاقپانىڭ سول جاق بۇرىشىنىڭ جانىنان ءوتىپ, قيىس كەتتى. وسىدان كەيىن الاڭ يەلەرى شابۋىلدى ۇدەتە ءتۇسىپ, ءبىرىنشى تايمدا ءۇش گول سالدى. الدىمەن, 9-مينۋتتا توميچ ەسەپ اشتى. ول «شاحتەردىڭ» ايىپ الاڭىندا قورعاۋشىلاردىڭ ءبىر-ءبىرىن تۇسىنبەۋشىلىگىن پايدالانىپ, بار-جوعى ءبىر مەتردەن گول سوقتى. وسى ويىندا كۋمىكوۆتىڭ ءبىر قاتەلىگى, ءبىرىنشى تايمدا بەس بىردەي قورعاۋشىنى الاڭعا شىعارعاندىعى دەپ ويلايمىز. وسىنىڭ كەسىرىنەن الباندار شابۋىلدى جيىلەتە ءتۇسىپ, موكيننىڭ قاقپاسىنا قاۋىپتى جاعدايلاردى بىرىنەن سوڭ ءبىرىن تۋعىزىپ وتىردى. قاقپانى الىستان دا, جاقىننان دا كوزدەدى. سونداي ساتتەردىڭ بىرىندە الاڭ يەلەرى ايىپ دوپ الاڭىندا ەكى رەت قۇلاپ, پەنالتي سوعۋعا مۇمكىندىك الدى. البانداردىڭ شابۋىلشىسى شكەمبي بۇل ەكى مۇمكىندىكتى دە 20 جانە 29-مينۋتتاردا جىبەرگەن جوق. ەسەپ – 0:3.
وسىدان سوڭ «شاحتەر» ەسىن جيىپ, قارىمتا شابۋىلدارعا شىعىپ, ءبىرىنشى تايمنىڭ سوڭىندا ەسەپتى قىسقارتتى. ءبىزدىڭ جاقتان گولدى سەرگەي حيجنيچەنكو سوقتى. ال ەكىنشى تايمدا مالىيدىڭ ورنىنا الاڭعا شىققان ماقسات بايجانوۆ وزىنە كەلگەن مۇمكىندىكتى ءمۇلت جىبەرگەن جوق. وسىلايشا ءبىزدىڭ ويىنشىلار سىرت الاڭدا جەڭىلگەنىمەن, كەلەسى كەزەڭگە وتۋگە مۇمكىندىك الدى. قورىتىندى ەسەپ – 3:2. الدا نە بولادى, ونى ەندى ۋاقىت كورسەتەدى.
داستان كەنجالين,
«ەگەمەن قازاقستان».